«Birneshe jyl boıy jóndi jylymaı, jurty jaýraǵan Temirtaýda qazirgi tańda JEO-2-de jetinshi qazandyqtyń qurylysy júrip jatyr. Ázirshe mundaǵy jumystar kestege saı júrgizilýde. Qajetti jabdyqtar ornatylýda», dep málimdeıdi ortalyq basshylyǵy.
Atalǵan qurylys aımaq basshysy Ermaǵanbet Bólekpaevtyń tikeleı baqylaýynda. Jýyrda oblys ákimi «ArselorMıttal Temirtaý» AQ JEO-2-de jetinshi qazandyq salynyp jatqan qurylys alańyna arnaıy bardy. Qurylystyń júrý barysyn baqylady. Sodan soń kompanııanyń bas dırektory Vladımır Iаblonskıı qatysqan keńeste qazandyqqa qatysty máseleler talqyǵa salyndy.
– Jumys kestege saı. Konvektıvti bólik tolyǵymen jınaqtalǵan. Endi biz elektr bóligine qatysty jumystardy bastadyq. Elektr symdaryn tartýǵa kirisemiz. Sonymen qatar qazandyq ottyǵyn montajdaýǵa daıyndyq júrgizilýde, – dedi JEO-2 dırektory Sergeı Krıvov.
Qazandyq qurylysyndaǵy mamandar táýlik boıy jumysty toqtatqan joq. Kúndizgi jáne túngi aýysymdaǵy jumystyń nátıjesinde búgin qazandyqtaǵy qurylys jumysynyń úlesi – 70 paıyz kóleminde.
Sondaı-aq aımaq basshysyna jylý elektr ortalyqtaryn jóndeýden ótkizý de baıandaldy. Kompanııa basshylyǵynyń málimdeýinshe, qazir jóndeý jumystaryn bastaýǵa esh kedergi joq.
«Jumys jospary bekitildi. Qarjylandyrý bólindi», deıdi Vladımır Iаblonskıı. Onyń aıtýynsha, birinshi qazandyq keń aýqymdy aǵymdaǵy jóndeýden ótedi. Jumys aldaǵy kúnderi bastalady. Oǵan qosa, bıyl JEO-2-de eki qazandyqty kúrdeli jóndeý josparlanǵan. Olar – № 4 jáne №5 qazandyqtar. Jumysqa kompanııa maýsymda kirisedi.
Qaraǵandy oblysy
