2023 jyldyń aqpan aıynan bastap iri ınvestorlar úshin Qazaqstanda jańa jobalardy iske qosý jáne qoldanystaǵy jobalardy jańǵyrtý múmkindikteri edáýir keńeıtildi.
Túzetýlerge sáıkes Úkimetpen Investısııalyq mindetteme týraly kelisim bekitýdi josparlap otyrǵan zańdy tulǵalar úshin qyzmettiń basym túrleriniń tizbesi alynyp tastaldy. Bul kelisim boıynsha 10 jylǵa deıingi merzimge salyq mólsherlemesi belgilenedi, al ınvestor onyń óteýi retinde qomaqty qarajat salýǵa, qandaı da bir óndiristi iske qosýǵa nemese jańǵyrtýǵa, qazaqstandyq kadrlardy oqytýǵa jáne t. b. mindetteledi.
Tyıym salynǵan qyzmet túrleriniń tizimi anyqtaldy. Iаǵnı, endi iri kompanııa nemese kásipker bul tizimge engizilmegen kez kelgen ınvestısııalyq baǵytty erkin tańdap, Úkimetpen Investısııalyq mindettemeler týraly kelisim jasaı alady.
Tyıym salynǵandar sanatyna:
- aksızdeletin ónimderdiń kóterme saýdasy jáne (nemese) óndirisi;
- lotereıa ótkizý;
- oıyn bıznesi salasyndaǵy qyzmet jáne t. b. barlyǵy 14 tarmaq jatady.
Basqa baǵyttar boıynsha shekteýler joq.
