О́ńir basshysy turǵyndardyń qaýipsizdigin qamtamasyz etý, eldi mekendi sý basýdyń aldyn alý jáne kólik qozǵalysyn qalpyna keltirý maqsatynda 13 naýryzda buzylǵan «Samara-Shymkent» halyqaralyq mańyzy bar joldyń 613-shaqyrymynda metall sý ótkizgish qubyrlardy ornatý jáne ınertti materıaldarmen toltyrý jónindegi jumysty aıaqtaýdy tapsyrdy.
Turǵyndarmen kezdesý barysynda oblys ákimi zardap shekken ár otbasyǵa qajetti kómek beriletinin atap ótti.
«Aýdanda komıssııa qurylyp, úıler tekseriledi. Biz barlyǵyna qoldaý kórsetemiz, qarajat bólemiz, múmkindiginshe tez qalpyna keltiremiz. Bul jaǵdaıǵa muqııat taldaý júrgizilip, sý tasqynynyń qaıtalanýyna jol bermeý sharalary qabyldanady», dedi Eraly Toǵjanov.
Qobda aýdanyndaǵy jaǵdaı oblys ákiminiń jeke baqylaýynda.
