«NAURYZ: SAIаLY О́LKE» aǵash otyrǵyzý aksııasy
Aǵash otyrǵyzý – saýapty is, babadan qalǵan mıras. Bul is-shara qorshaǵan ortany saqtaýǵa, ekologııalyq ahýaldy jaqsartýǵa zor yqpal jasaıdy. Jyl basy sanalatyn Naýryz aıynda tal egip, aınalany kógaldandyrý – ıgi bastama. Aksııaǵa QHA janyndaǵy qurylymdar, etnomádenı birlestikter men jaqsylyqqa jaqyn jandar qatysady. Shara aıasynda oblysta 10 myńǵa jýyq aǵash otyrǵyzý josparlanyp otyr.
«NAURYZ: ULAǴAT» ulttyq salt-dástúr rásimderin jańǵyrtý is-sharalary
Ulttyq qundylyqtardy qaıta jańǵyrtý – ulttyq kodty saqtaýdyń tıimdi tetigi. Árbir halyqtyń salt-dástúri urpaqtan urpaqqa jalǵasyp, kúndelikti otbasylyq jón-joralǵyǵa aınalyp, praktıkalyq mánge ıe bolyp otyr. Naýryz meıramy qarsańynda ulttyq salt-dástúrlerimizdi jańǵyrtýǵa basymdyq berilip otyr. Ony QHA janyndaǵy Aqsaqaldar keńesi men Analar keńesi iske asyrmaq.
«NAURYZ: ALAMAN» qazaq tilin meńgergen etnos jastary arasyndaǵy ıntellektýaldyq oıyndar
Alǵash ret uıymdastyrylyp otyrǵan saıystyń maqsaty – qazaq tilin erkin meńgergen etnos jastarynyń zııatkerlik áleýetin arttyrý, memlekettik tildiń qoldanys aıasyn keńeıtý, ózara yntymaqtastyqty nyǵaıtý. Búginde Almaty oblysynda qazaq tilin jetik biletin etnos jastarynyń sany aıtarlyqtaı kóp.
«NAURYZ: BABADAN MIRAS» sheberlik synyptary serııasy
Qolóner buıymdary men zergerlik áshekeıler – kez kelgen halyqtyń basty brendi. Qazaqtyń zergerlik óneriniń tarıhy áride jatyr. Qıyn ári qyzyqty qolóner túri san dáýirdiń sarabynan ótip, búgingi kúnge qaımaǵy buzylmaı jetti. Sheberlik synyptarynda tamyryn tereńnen alatyn osynaý ónerdiń erekshelikteri týraly kásibı zergerler óz keńesterimen bólispek.
«NAURYZ: IZGILIK KО́MEK» qaıyrymdylyq aksııasy
Naýryz – kóktem men jańarý meıramy ǵana emes. Sondaı-aq ol – izgi ister men qaıyrymdylyqqa mańyz beriletin kezeń. Aksııa aıasynda Almaty oblysyndaǵy etnomádenı birlestikter men mesenattar túrli baǵyttaǵy qaıyrymdylyq is-sharalaryn uıymdastyryp, qoǵamnyń áljýaz toptaryna kómek kórsetedi.
«NAURYZ: KÁDE» jas urpaqqa ulttyq naqyshtaǵy syılyqtar berý is-sharasy
Káde syılaý arqyly halqymyz bir-birine shynaıy nıetin bildirip, ózara syılastyqty, tatýlyqty, jaqyn qarym-qatynasty nyǵaıtyp otyrǵan. Káde – ádet-ǵuryp, josyn-joralǵylardyń daǵdyly, dástúrli jolmen atqarylýyn bildiretin uǵym. Halqymyzdyń osy saltyn jas urpaq arasynda keńinen dáripteý – búginde úlken mańyzǵa ıe.
«NAURYZ: TAǴYLYM» aǵa býyn ókilderimen kezdesýler serııasy
Aǵa urpaq ónegesi – ótken ǵasyrdyń rýhanı murasy. Búgingi býyn – keler júzjyldyqta ómir súrip, elimizdi órkenıetke jetkizer uly joldaǵy jasampaz urpaq. Sol urpaqtardyń birligi men sabaqtastyǵy el damýynyń negizgi kepili. Urpaqtar birligi men sabaqtastyǵyn saqtaý – osy kezdesýlerdiń basty ıdeıasy bolyp tabylady.
«NAURYZ: SOCIETY» chellendji
Maqsat – bereke-birliktiń, shynaıy janashyrlyqtyń jáne ózara qamqorlyqtyń meıramynyń mańyzy men mindetin jas urpaq pen ózge etnos ókilderi arasynda keńinen nasıhattaý.
«NAURYZ: BEREKE, BIRLIK, KELISIM» jalpyhalyqtyq etno-mádenı is-sharasy
Bul is-shara sheńberinde «Assambleıa aýyly» ulttyq-etnografııalyq kórmesi, «Sheberler aýyly» ulttyq qolóner kórmesi, «Dostyq aýyly» etnos ókilderiniń kórmesi, «Ulaǵat aýyly» QHA janyndaǵy Aqsaqaldar jáne Analar keńesteriniń kórmesi, «Ulystyń uly kúni» merekelik konserti, «Izgilik» ulttyq taǵamdar jármeńkesi ótkiziledi.
«NAURYZ: dara dástúr» bata berý rásimi
Bata – qazaq halqynyń dinimen bite qaınasqan dástúriniń kórinisi. Qasıetti dinimizde Jaratýshydan duǵa arqyly medet tilese, dástúrimizde bata arqyly jaqsy nıet, yqylas bildiriledi, tilek aıtylady. Ony kópti kórgen, ortasyna syıly, aýzy dýaly, batagóı qarııalar beredi.
