Qazir elimizdiń toǵyz qalasynda «Sergek» jobasy júzege asyrylǵan.
«Qazirgi ýaqytta «Sergek» jobasy elimizdiń toǵyz qalasynda: Astana, Almaty, О́skemen, Atyraý, Shymkent, Túrkistan, Taraz, Semeı jáne Aqtaýda júzege asyrylyp jatyr, munda 34 myńnan asa kamera ornatylǵan», dedi IIM ókilderi.
Ishki ister mınıstrligi málimetinshe, «Sergek» beınebaqylaý kameralaryn ornatý negizinen jergilikti atqarýshy organdardyń memlekettik-jekemenshik áriptestik (MJÁ) jobalary aıasynda júzege asyrylǵan. «Sergek» júıesiniń jumys qabilettiligin, tehnıkalyq qyzmet kórsetýin jáne qoldaýyn «Kórkem Telekom» JShS qyzmetkerleri qamtamasyz etedi.
«MJÁ kelisimi boıynsha, jergilikti atqarýshy organdardan paıdalaný jáne ustaýǵa aqsha bólinedi. Astanada bul júıe alǵash ret 2017 jyly engizilip, eń joǵary tehnologııalyq jobalardyń birine aınaldy. Almaty qalasynda jol qozǵalysy qaýipsizdigin qamtamasyz etý jáne júrgizýshilerdiń tártibin arttyrý maqsatynda 2021 jyly MJÁ jobasy aıasynda ákimdikpen ornatylǵan 5034 «Sergek» kamerasy bar. Sonymen qatar qazirgi ýaqytta «Sergektiń» qosymsha 2944 kamerasyn ornatý jumystary júrgizilip jatyr, olardy qosý 2023 jyldyń 2-toqsanyna josparlanǵan», dep qorytyndylady IIM baspasóz qyzmeti ókilderi.
