Kremnıı alqabyna joldama

Yntymaqtastyq týraly kelisim­ge 2023 jylǵy 10 naýryzda Astana Hub bas dırektory Maǵjan Mádıev pen Draper University prezı­den­ti Asra Nadeem San-Mateo qala­syn­da (Kalıfornııa shtaty) Sıfr­lyq damý, ınnovasııalar jáne aero­ǵa­rysh ónerkásibi mınıstri Baǵdat Mýsınniń AQSh-qa resmı sapary barysynda qol qoıdy.

– Memleket basshysy Qasym-Jomart Toqaev eldegi IT-salanyń damýyna aıryqsha mán berip, qol­daý kórsetip keledi. Osy rette star­tap­tary­myzǵa úzdik álemdik tájirıbeni usyn­ǵymyz keledi. Kremnıı alqa­byn­da ornalasqan Draper University qazirdiń ózinde kóptegen jas IT-kom­panııalar úshin tabysqa jetý­diń katalızatoryna aınaldy. О́ıt­keni ol jerde resýrstardyń, ka­pıtaldyń jáne halyqaralyq sa­rap­­shylardyń biregeı úılesimi bar. Bul startaptardyń jyldam damýyna múmkindik beredi. Yn­ty­maqtastyǵymyz baǵdarlama qaty­sý­shylaryna óz bıznesin jańa deń­geı­ge kóterip, jahandyq aýqymdaǵy kásipkerlikte básekege qabiletti kompanııaǵa aınalýǵa jol asharyna senimdimin, – dedi Baǵdat Mýsın.

Baǵdarlama mynadaı kezeń­der­den turady: Birinshi – úzdik 80 joba ónimdi ázirleý jáne masshtab­taý, sondaı-aq halyqaralyq ven­chýr­lyq qorlardan ınvestısııa tar­tý qaǵıdattary boıynsha 2 apta­lyq onlaın baǵdarlamaǵa qol jetkize alady. Ekinshi – úzdik 20 joba tájirıbeli tehnologııalyq kásip­kerler jáne sarapshylardyń jetek­shi­­­­­­­ligimen ınvestısııa tartý ári AQSh naryǵyna shyǵý úshin Kremnıı alqabyndaǵy Draper University-de 6 aıǵa deıin tegin baspana jáne jumys ornymen qamtamasyz etilip, 5 apta­lyq qarqyndy baǵdarlamadan ótý múmkindigine ıe bolady.

Draper Ecosystem – ınnovasııalyq ekojúıeni qoldaý úshin ozyq fasılıtatorlar men tálimgerlerdiń, sala­lyq sarapshylardyń, korporatıvtik seriktesterdiń jáne ınvestorlardyń teńdesi joq jelisin usyný arqyly talanttardy, sarapshylardy jáne ınvestorlardy biriktirýdiń biregeı tásili. Draper University negizin ven­chýr­lyq kapıtal bıznesinde 38 jyl­dyq tájirıbesi bar Tım Draper qalaǵan.

Hero Training baǵdarlamasyna ótinish bıylǵy 7 sáýirge deıin qabyldanady.