Memleket basshysynyń tapsyrmasyna sáıkes, elimizde Minerals.gov.kz jer qoınaýyn paıdalaný platformasy ázirlendi. Ony Sıfrlyq damý, ınnovasııalar jáne aeroǵarysh ónerkásibi mınıstrliginiń bastamasymen «Qazaqstan ǵarysh sapary» ulttyq kompanııasy jáne Indýstrııa jáne ınfraqurylymdyq damý mınıstrligi daıyndady.
Platforma geologııalyq aqparatqa qol jetkizýdi qamtamasyz etýge, lısenzııalyq ýchaskelerdi bólýge, sondaı-aq jer qoınaýyn paıdalanýshylardyń eseptiligi men qyzmetiniń monıtorıngin qalyptastyrýǵa arnalǵan.
Buryn geologııalyq esepterdi zertteýden bastap lısenzııa alýǵa jáne jyl saıynǵy esepterdi usynýǵa deıingi barlyq úderis qaǵaz júzinde júrgizildi. Sonymen qatar ony tekserý úshin derekterdiń jetkiliksizdigine baılanysty birqatar sybaılas jemqorlyq táýekelderi men qatelik oryn alǵany da esimizde. Endi jer qoınaýyn paıdalanýshylar men áleýetti ınvestorlarǵa irgeles ınfraqurylymnan bastap, geologııalyq jáne geofızıkalyq esepterge deıingi elektrondyq formatta suralǵan ýchaske týraly tolyq málimet qoljetimdi bolady.
Platformada qatty paıdaly qazbalardy barlaýǵa jáne óndirýge ótinimderdi qabyldaý, qaraý jáne lısenzııa berý jumystaryn júrgizý bastaldy. Buǵan qosa onlaın qabyldaýmen birge, tipti qaǵaz túrindegi ótinimder de tirkeledi. Osylaısha, Jer qoınaýy jáne jer qoınaýyn paıdalaný týraly kodekste kózdelgen «birinshi kelgen – birinshi alady» qaǵıdaty boıynsha jer qoınaýyn paıdalanýshynyń jer qoınaýyna qol jetkizý quqyǵyn saqtaýdyń ashyqtyǵy qamtamasyz etiledi.
Qazirgi tańda jańa fýnksııalardy ázirleý men aldaǵy mamyrda josparlanǵan ónerkásipke engizýge daıyndyq pen jer qoınaýyn paıdalanýshylardy oqytý jáne platforma jumysyn kórsetý júrgizilip jatyr. Bul rette ázirleýshiler servısterdi odan ári damytýda eskeriletin fýnksıonaldy jaqsartý jáne damytý jóninde usynystar jınaýdy júzege asyrady.
Platformanyń avtomattandyrylǵan quraldary tabıǵatty paıdalaný qaqtyǵystaryn birden kórsetedi. Paıdalanýshylardyń zańnamaǵa sáıkes barlaý nemese óndirý jumystaryn júrgizýge ruqsat etilgen nemese tyıym salynǵan ýchaskelerdi bir tereze arqyly qaraýǵa jáne tańdaýǵa múmkindigi bolady.
Platformaǵa 30 myń geologııalyq esep júktelgen. Bıyl kem degende 24 myń esepti zerdeleý kartasyn tolyqtyrý josparlanǵan. Sondaı-aq jer qoınaýyn paıdalanýshylardyń lısenzııalyq-kelisimsharttyq talaptarynyń oryndalýyn monıtorıngileý boıynsha jańa fýnksııalar ázirlenedi.
Eske sala keteıik, buǵan deıin bul jobany Memleket basshysynyń tapsyrmasy boıynsha Ekologııa jáne tabıǵı resýrstar mınıstrligi júzege asyrǵan bolatyn. Keıin joba Sıfrlyq damý, ınnovasııalar jáne aeroǵarysh ónerkásibi mınıstrligine berildi.
Qazaqstannyń úsh óńirinde bes ońaltý ortalyǵy ashyldy
Medısına • Búgin, 20:30
Elordalyq saıabaqta búldirshinderge arnalǵan merekelik is-shara ótti
Elorda • Búgin, 20:00
«Ustazy jaqsynyń ustamy jaqsy»
Bilim • Búgin, 19:47
Memleket basshysy Rejep Taııp Erdoǵandy ulyqtaý rásimine qatysady
Prezıdent • Búgin, 19:13
Vladımır Kım men Edýard Ogaı «Elbasy qorynyń» aksııasyn satyp aldy
Qoǵam • Búgin, 18:50
Prezıdent «Kerýen-Medicus» klınıkasynyń jańa korpýsyn aralap kórdi
Prezıdent • Búgin, 18:36
Uqsas jańalyqtar
Onlaın 
