Juldyzdar kúnde týmaıdy

Astana kúnine arnalǵan is-sharalardyń ishinde II «Astana juldyzy» kásibı mýzyka báıgesiniń ózge sharalarǵa qaraǵanda orny bólek. Jobanyń uıymdastyrýshylary daýys berýdiń birinshi kezeńi óz máresine jetkenin habarlady. Kásibı sarapshylar 11 atalym boıynsha jeńimpaz bolýǵa laıyq dep tabylǵan myqtylardy tańdap aldy. Endi, úzdik úshtikke ilikkender Qazaqstan shoý-bıznesinde eń úzdik atanyp, altyn juldyz úshin ózara baq synaıdy. II «Astana juldyzy. Ulttyq mýzyka báıgesiniń» jeńimpazdary Beıbitshilik jáne kelisim saraıynda qala kúni qarsańynda marapattalady. Aıtýly óner baıqaýyna oraı biz Astana qalasy Mádenıet basqarmasynyń basshysy Bolat MAJAǴULOVQA jolyǵyp, áńgimege tartqan edik. – Bolat Baýyrjanuly, «As­tana juldyzy» báıgesi bıyl ­osymen ekinshi ret ótip otyr­ǵany­na qaramastan jurt­shylyq bul sha­raǵa qatty qyzyǵýshy­lyq tanytýda. Joba nesimen jan ­baýraıdy? – Meniń oıymsha, jurt bul báıgege birinshiden, onyń qazaq­­standyq mýzyka ındýstrııasy bolashaǵyna qosatyn úlesi úshin, ekinshiden, mańyzdylyǵyna baılanysty qoldaý bildirýde, al úshinshiden, mundaı ıdeıa eshkimdi beıjaı qaldyrmasy anyq. Qazaq topyraǵy talantqa eshqashan kende bolǵan emes, onyń dáleli, qazaq estradasynda óner kórsetip júrgen jaryq juldyzdardy atasaq, sonyń ózi jetkilikti. Sondyqtan ártister, kompozıtorlar, jalpy barsha óner ıesi ózderiniń eńbegine laıyq tıisti baǵasyn alýy kerek dep oılaımyn. Árıne, Qazaqstannyń kásibı mýzykalyq báıgesin ótkizý ıdeıa­sy munan áldeqaıda kóp buryn qozǵalǵan bolatyn. Sol oıy­myz tek byltyr ǵana Astana kúni­niń 15 jyldyǵy merekesinde júzege asty. Biz úshin eń aldymen ne ­ma­ńyz­­dy desek, aldymen aýzymyz­ǵa onyń sapalyq deńgeıi iligýi zań­dy. Mysaly, AQSh-ta eń tany­mal brend jáne sapaly báıge «Gremmı» bolsa, Qazaqstanda «Astana juldyzy» bolýy kerek. Alǵa qoıǵan maqsatymyzdy oryndaý úshin qoldan kelgenshe tyrysyp-baǵýdamyz. Alǵashqy «Astana juldyzy» ulttyq mýzyka báıgesinen keıin bul joba úlken tanymaldyqqa ıe boldy. Oǵan sarapshylar men synshylardyń, óner ıeleriniń oń pikirleri dálel bola alady. – «Astana juldyzy» báıge­siniń basqa baıqaýlardan aıyr­mashylyǵy nede? – «Astana juldyzy» jeńim­pazdy tańdaýda qatelikke jol bermeýimen erekshelenedi. Munda myqtylardy kórermen de, jan­kúıer de emes, kádimgi kásibı sarapshylar anyqtaıdy. Otandyq mýzykanyń damyp, jańǵyrýyna aıtarlyqtaı úles qosatyn óner­pazdar quramynda júz kásibı maman bar. Olar – belgili ártister, prodıýserler, kompozıtorlar, aqyndar, mýzyka jáne fashion-óndiris mamandary, BAQ ókilderi. Muny Qazaqstannyń mýzykalyq akademııasy tańdaıdy. Daýys berýdiń bul júıesi álemdik deń­geıde qoldanylyp júr. «Astana juldyzy» tek óner juldyzdarynyń dárejesin anyq­tap qana qoımaı, mýzykanyń jańa baǵyttaryn anyqtap, ulttyq mádenıettiń damýyna zor úles qosa alýymen qymbat sanalady. – Ekinshi «Astana juldy­­­zy-2014» dodasy óner kóginde jańa esimderdiń janýyna jol ashyp otyr. Bul kimniń ıdeıasy? – «Astana juldyzy-2014» ataýymen jańa juldyzdyń atyn tirkeý báıgeni uıymdastyrýshylardyń ortaq ıdeıasy. Biz Qazaqstan jul­­­dyzdaryna aspan tórinen juldyz syılaıyq degen sheshimge keldik. Sebebi, «Astana juldyzy» ataýy, zańǵar kókke qanat qaqqan músinniń ózi osyndaı oıǵa jete­leıdi. Juldyz Soltústik jarty­sharda «Astana juldyzy» ataýymen Halyqaralyq «Ǵarysh-Jer» juldyzdar katalogyna tirkeldi. – Báıgege qatysý úshin ne isteý kerek? – Bir jyl ter tógip daıyndalý kerek. Úmitkerler óz eńbekteriniń (án, beıne baıan) sapaly bolýyn qadaǵalaýy tıis. Sebebi, ol sarapshylardyń nazarynda bolady. Báıgeniń ulttyq deńgeıin eskersek, «Astana juldyzy» statýetkasyna qol jetkizý ár ártistiń alǵa qoıǵan basty maqsatyna aınalýy kerek. – Qatysýshylarǵa taǵy qandaı tilek aıtasyz? – Ártister erinbeı, únemi izde­niste júrse eken dep tilek aıtqym keledi. Kimdi alǵa shyǵararyn bilmeı jyl saıyn sarapshylardyń bas­tary qatyp jatýy kerek. Mýzyka men án mátinderiniń, beıne-baıandar sapasynyń artqany qýantady. Al, adam eńbegi eshqashan baǵalanbaı qalmaıdy. Sondyqtan, júldeli oryndardy men tek myqtylardyń ǵana ıelenerine senemin. Osyndaı qysqa ýaqyt aralyǵynda báıgeni Qazaqstannyń mýzyka ónerindegi brendi jasaı alǵanymyzǵa qýa­nysh­tymyn. Al kez kelgen saıystyń bolashaǵy ózimizdiń shoý-bızneske, juldyzdardyń eńbekterine jáne ony kórsete bilýine baılanysty. Otandyq mýzyka ındýstrııasy úshin jańa esimderdi taýyp, sahna maıtalmanyna aınaldyrý asa mańyzdy is. Áńgimelesken Qarashash TOQSANBAI, «Egemen Qazaqstan». ASTANA.