№30 saılaý ýchaskesi komıssııasynyń tóraǵasy, 6698 áskerı bólimi komandıriniń orynbasary, podpolkovnık Rýslan Bektursynovtyń aıýynsha halyq qalaýlylaryn saılaý elimiz úshin mańyzdy saıası oqıǵa. Sondyqtan belsendilik tanytyp daýys berýge qatysý kerek. Bul árbir respýblıka turǵynynyń azamattyq paryzy bop esepteledi. О́ıtkeni tańdaý jasaý arqyly erteń Jańa Qazaqstannyń bolashaǵyn birge qalaımyz. Saıası-ekonomıkalyq reformalardyń da júzege asýy tikeleı azamattyq belsendilikke baılanysty.
О́z kezeginde 6698 áskerı bóliminde 200-den astam sarbaz daýys berýge qatysty. Ol úshin Shymkent qalalyq aýmaqtyq saılaý komıssııasyna aldyn ala ótinish jasaldy. Sarbazdarǵa arnalǵan jabyq daýys berý ýchaskesinde óz tańdaýyn jasaǵandar qatarynda qaraǵandylyq jaýynger Davıd Velıkanov ta boldy.
«Men ózimdi Qazaqstannyń patrıoty sanaımyn. Sol sebepti óz tańdaýymdy jasaý maqsatynda osynda keldim. Meniń oıymsha jańa dáýirge qadam basyp jatqan shaqta saıası belsendi bolýymyz kerek. Ásirese ol elimizdiń jarqyn bolashaǵy úshin erekshe mańyzdy. Jalqaýlanbaı meniń daýysym ne sheshedi demeı, saılaýǵa barǵan, daýys bergen jón. Meniń azamattyq ustanymym osyndaı. Sondyqtan barsha zamandastarymdy saılaýda belsendilik tanytýǵa shaqyramyn», dedi ol.
6698 áskerı bóliminde bıýlletenderdi jáshikke birinshi bolyp salǵan alǵashqy 4 sarbazǵa arnaıy syılyqtar tapsyryldy.
Megapolıstegi 6506 áskerı bóliminde ornalasqan №89 saılaý ýchaskesinde de daýys berý tańǵy saǵat 6.00-de bastaldy.
Komıssııa tóraǵasy, 6506 áskerı bólimi komandıriniń tárbıe jónindegi orynbasary, podpolkovnık Ernar Áshirbekov Qazaqstan Respýblıkasynyń árbir azamaty saıası naýqanǵa qatysyp, belsendilik tanytýy tıis. Sebebi bizdiń tańdaýymyz — Ádiletti, Jańa Qazaqstan. 6506 áskerı bóliminde 764 sarbaz áskerı boryshyn ótep jatyr. Jabyq saılaý ýchaskesinde tek sarbazdar daýys berse, ofıserlik quram men áskerı qyzmetkerler ózderiniń turǵylyqty mekenjaıy boıynsha tańdaýlaryn jasaıtynyn aıtty.
Aıta ketý kerek, áskerı bólimdegi saılaýshylar bir ǵana bıýlletenmen QR Parlamenti Májilisine partııalyq tizim boıynsha usynylǵan kandıdattarǵa daýys beredi. Bul jerde jergilikti máslıhat depýtattyǵyna úmitkerler usynylmaıdy.
