«Saılaýdyń jaýapkershiligi úlken. Osyǵan deıin de bundaı naýqandarǵa qatystyq. Bastysy qoǵam jańarsa eken degen nıetimiz bar. Bul joly kóptegen ıgi ózgeris bolatyn sııaqty. Ásirese halyq ishinen shyqqan tulǵalardy baıqaımyz. Qarapaıym jurttyń arasynan depýtat shyqqany jón. Saılaýshylardyń basym bóliginiń daýysyn jınap, halyq saılaǵan depýtat atansa, odan asqan baq bolmas.
Eldiń ishinde júrgender halyqtyń muń-muqtajyn biledi. Naǵyz el-jurtynyń jaǵdaıyn jasaı alatyn, saılaýaldy baǵdarlamasyna sáıkes is qylatyn azamat saılansa degen izgi tilegimiz bar.
Saılaýǵa udaıy qatysamyz. О́z tańdaýymyzdy jasadyq. Biz tirkelgen №542 ýchaske eken. Jalpy áleýmettik jelide, onyń ishinde Feısbýkte oı-pikirimizdi jıi jazyp jatamyz. San túrli oılar qozǵalady. Bir nárse anyq. Eger ózimiz saılaý pýnktine bas suǵyp, kóńilge unaǵan, baǵdarlamasy jaqsy úmitkerge daýsymyzdy bersek, seń qozǵalary anyq. Sonda ǵana árbirimiz óz tańdaýymyzdy jasaımyz», dep Baıǵalı Esenálıev oı bólisti.
