Bıyl 25 naýryzda jergilikti ýaqyt boıynsha saǵat 20:30-dan 21:30-ǵa deıin búkil el boıynsha «Jer saǵaty» dúnıejúzilik aksııasy bastalady. Búkil álem bir saǵatqa elektr qýatyn óshiredi, dep habarlaıdy Egemen.kz.
Jyl saıyn bul aksııaǵa álemniń 180-nen astam eli qatysady. Qazaqstan úshin «Jer saǵaty» bıyl 14-shi ret ótkizilip otyr.
Dúnıejúzilik jabaıy tabıǵat qorynyń (WWF) bastamasymen 2007 jyldan beri búkil álemde «Jer saǵaty» eń aýqymdy ekologııalyq aksııasy ótkizilip keledi.
Dástúr boıynsha ártúrli ekologııalyq taqyryptarǵa nazar aýdarý úshin naýryz aıynyń sońǵy senbisinde búkil álem boıynsha mıllıondaǵan adamdar 20:30-dan 21:30-ǵa deıin úıleri men páterlerindegi jaryqty sımvoldyq túrde óshiredi. Sonymen qatar álemniń myńdaǵan sáýlet eskertkishteri men mańyzdy ǵımarattary óz jaryqtaryn sóndiredi. Aksııaǵa elderdiń memlekettik jáne jeke uıymdary da qoldaý kórsetedi.
Sońǵy jyldary Qazaqstanda aksııa ekologııalyq belsendilikke, sırek kezdesetin janýarlar túrlerin qorǵaýǵa jáne ekotýrızmge kóńil bóldi. 2023 jyly respýblıkada «Jer saǵaty» elimizdiń tabıǵatyn saqtaýdyń mańyzdylyǵyna arnalǵan.
Qazaqstanda «Jer saǵaty» WWF Ortalyq Azııa baǵdarlamasy, Qazaqstannyń ekologııalyq uıymdarynyń qaýymdastyǵy, «Jasyl ekonomıka jáne damý úshin G-Global koalısııasy» jáne «Jer saǵaty» turaqty damý qorymen uıymdastyrylady.
QR Ekologııa jáne tabıǵı resýrstar mınıstrliginiń qoldaýymen 25 naýryzda saǵat 20:30-dan 21:30-ǵa deıin (Astana q.) «Jer saǵaty» aksııasy ótedi. Aksııa týraly tolyq aqparat earthhour.kz saıtynda berilgen.
Jýrnalısterge arnalǵan «Parasat» konkýrsy bastaldy
Qoǵam • Búgin, 12:30
Jalǵan aqparat taratqan blogerler jaýapqa tartylady
Qoǵam • Búgin, 12:17
Balalarǵa arnalǵan tegin úıirmelerge 86,7 mlrd teńge bólindi
Qoǵam • Búgin, 12:05
Senatorlar bosqyndar máselesin talqylady
Saıasat • Búgin, 11:50
Abaı oblysynda 30 mln aǵash otyrǵyzylady
Qoǵam • Búgin, 11:47
Avtokólikterge arnalǵan VIP nómirlerdi onlaın satyp alýǵa bolady
Qoǵam • Búgin, 11:33
Uqsas jańalyqtar
Onlaın 
