Jataqhana máselesi sheshiledi

Buǵan deıin Ǵylym jáne joǵary bilim mınıstri Saıasat Nur­bektiń ońtústik astanaǵa sapary barysynda oryn jetispeý­shiligine qatysty máseleler tal­qylanǵan bolatyn. Sol saparda máseleni retteýdiń bir joly retinde mınıstr men qala ákiminiń orynbasary Arman Qyryqbaev arnaıy memorandýmǵa qol qoı­dy. Kezdesýde Saıasat Nurbek «Memleket basshysynyń tapsyrmasy boıynsha biz stýdentter úshin jataqhanalar salý ju­mysyn bastap kettik. Halyq eń tyǵyz ornalasqan qala – Al­matyda jobalyq keńse óz esigin ashty, endi osyndaı keńselerdi jataqhanalarǵa qajettiligi bar basqa qalalarda, atap aıtqanda, Astana, Aqtóbe jáne Shymkentte ashýdy josparlap otyrmyz», dedi.

Qazirgi kezde Almaty qala­syndaǵy stýdenttik jataq­hanalarda 32 myń oryn jetis­peıdi. Qurylys jumystary osy jyly Satbayev University stý­dentteri úshin 2 jańa jataqhana salýdan bastalady. Sondaı-aq Abaı atyndaǵy Qazaq ulttyq pedagogıkalyq ýnıversıteti stý­dentteri úshin 140 oryndyq jataq­hana salý kózdelip otyr.

Jobalyq keńse Almaty qa­lasynyń aýmaǵynda jataq­hanalar salý jáne stýdentterdi turǵyn úımen qamtamasyz etý, qala ákimdigi men Qarjy ortalyǵy tarapynan turǵyn úı salýǵa múddeli joǵary oqý oryndary men áleýetti ınvestorlarǵa jedel zańgerlik, konsýltasııalyq jáne saraptamalyq qoldaý kór­setý maqsatynda ashyldy. Onda mınıstrliktiń, Qarjy orta­lyǵynyń jáne ákimdiktiń túrli basqarmalarynyń ókilderi kún­delikti Halyqqa qyzmet kór­setý ortalyǵy rejiminde ýnı­ver­sıtetter, qurylys kompa­nııalarynyń ókilderi men mer­digerlerge keńes beredi. Búgingi tańda jobalyq keńse bazasynda 50 ınvestor tirkelgen. Olardyń beseýi túrli baǵytta jumys isteıtin bolady.

ALMATY