Bıyl 23 qańtar men 26 naýryz aralyǵynda 69 myńnan astam kólik quraly zańdastyryldy, onyń ishinde 67%-y (46 592) Reseı Federasııasynan, 19%-y (13 424) Armenııadan, shamamen 10%-y (6 788) Qyrǵyzstannan, shamamen 2%-y (1 296) Grýzııadan ákelingen.
Sonymen qatar qazir Ishki ister mınıstrligi qosalqy bólshekter retinde ákelingen avtokólikterdi zańdastyrý sharttaryn aıqyndaıtyn úkimet qaýlysynyń jobasyn ázirledi.
«Atalǵan joba jarııa talqylaýdan ótti, qazir biz olardy qorytyndylap bolǵannan keıin memlekettik organdarǵa túpkilikti kelisýge jiberemiz. Odan keıin úkimetke engizemiz. О́tinishter barlyq Halyqqa qyzmet kórsetý ortalyqtarynda jáne elektron servıs arqyly qabyldanady. Soymen qatar azamattarǵa arnalǵan elektrondyq úkimet portalynda jáne ekinshi deńgeıdegi bankterdiń mobıldi qosymshalarynda qoljetimdi», dedi Ishki ister mınıstrligine qarasty Ákimshilik polısııa komıtetiniń tóraǵasy Qaısar Sultanbaev.
