«Astana tańdaýy-2014» baıqaýynyń jeńimpazdary anyqtaldy

ASTANA. 30 maýsym. Astana ákimi jyl saıyn dástúrli túrde ótkizilip kele jatqan «Astana tańdaýy-2014» jalpyqalalyq baıqaýynyń jeńimpazdaryn arnaıy marapattady.   Bul týraly astana.kz habarlady. Bıyl qatarynan úshinshi jyl uıymdastyrylyp otyrǵan dástúrli «Astana tańdaýy» baıqaýyna baılanysty qabyldanǵan anketalar men ótinimder astana.gov.kz saıtyna ornalastyryldy. Onda saıtqa kirgen árbir adam bir ret daýys berýge múmkindik aldy. Baıqaýǵa 195 atalym boıynsha 250 ótinim kelip túsken. Bulardyń arasynda «Úzdik muǵalim» – «Astana Daryny» ǵylymı-tájirıbelik ortalyǵynyń dırektory Maıra Qurmanbaeva, «Úzdik dáriger» – №1 qalalyq aýrýhananyń joǵary dárejeli dáriger-ýrology Kırıll Chıcherov, «Úzdik jol jóndeýshi» – «Progress KZ» jaýapkershiligi shekteýli seriktestiginiń ınjeneri Bekzat Múseev, «Úzdik ýchaskelik ınspektor» – Astana qalasy ishki ister departamenti Almaty aýdandyq ýchaskelik ınspektory Baýyrjan Taýmahanov, «Úzdik energetık» – «Astana qalasy Energetıka basqarmasy» memlekettik mekemesi energııamen qamtý bóliminiń basshysy Oljas Ishanov, «Úzdik qurylysshy – «Baı-Tan kompanııasy» jaýapkershiligi shekteýli seriktestiginiń dırektory Erkin Omarov, «Úzdik júrgizýshi» – «№1 Avtobýs parki» aksıonerlik qoǵamynyń júrgizýshisi Serik Adaev baıqaý jeńimpazy atandy. Astana ákimi Imanǵalı Tasmaǵambetov: «Biz baıqaý jeńimpazdaryn memlekettik nagradalarǵa usyndyq. Memlekettik baıqaý komıssııasy durys sheshim qabyldap, nagrada óz ıesin tabady dep oılaımyn», – dedi. Eske sala keteıik, «Astana tańdaýy» alǵash ret elorda ákimi Imanǵalı Tasmaǵambetovtiń bas­tamasymen 2012 jyly ótki­zilgen bolatyn. Joldybaı Bazar. Derekkóz: astana.kz. Foto: astana.kz.