Aqtóbe oblysy ákiminiń jańa orynbasarlary taǵaıyndaldy

ASTANA. 30 maýsym. Aqtóbe óńiriniń basshysy Arhımed Muhambetovtiń buıryǵymen oblys ákiminiń eki orynbasary bekitildi. Bul týraly «QazAqparat» habarlady. Sonymen, Aqtóbe oblysy ákiminiń birinshi orynbasary bolyp Roza Kemalova taǵaıyndaldy. Roza Kemalova 1959 jyly týǵan. Almatydaǵy halyq sharýashylyǵy ınstıtýtyn ekonomıst mamandyǵy boıynsha bitirgen. Eńbek jolyn 1980 jyly Torǵaı oblysynda  memlekettik bank keńsesiniń ekonomısi bolyp bastaǵan. Ár jyldary Aqtóbe ónerkásiptik saýda ekonomısi, memlekettik múlik pen jekeshelendirý boıynsha Aqtóbe aýmaqtyq komıteti tóraǵasynyń birinshi orynbasary, «Kásiporyndardy taratý jáne qaıta qurý boıynsha agenttigi» aksıonerlik qoǵamy Aqtóbe fılıaly dırektorynyń birinshi orynbasary bolyp istegen. 1998 jyly Qarǵaly aýdany ákiminiń orynbasary, 2002 jyly Hromtaý aýdany ákiminiń orynbasary bolyp taǵaıyndalǵan. Sondaı-aq, Atyraý oblystyq munaı-gaz kesheni, syrtqy ekonomıkalyq baılanys jáne ınvestısııalyq saıasat basqarmasy bastyǵynyń orynbasary, ishki saıasat departamenti dırektorynyń orynbasary, kásipkerlik jáne óndiris basqarmasynyń basshysy boldy. Al 2008 jyldyń qarashasynan osy taǵaıyndaýǵa deıin Aqtóbe oblysy ákiminiń orynbasary qyzmetin atqarǵan. Sol sııaqty, Aqtóbe óńiriniń basshysy Arhımed Muhambetovtiń buıryǵymen oblys ákiminiń orynbasary bolyp Ǵalı Isqalıev taǵaıyndaldy. Ǵalı Isqalıev 1970 jyly týǵan. Batys Qazaqstan agrarlyq ýnıversıtetin  «agroóndiristik keshen ekonomıkasy», Halyqaralyq bıznes akademııasyn (Astana q.) «korporatıvti menedjment» mamandyqtary boıynsha bitirgen. Ár jyldary kásipkerlikti damytý jáne qoldaý departamentiniń dırektory,  Batys Qazaqstan oblysynda «Gradıent» aksıonerlik qoǵamy aımaqtyq ınvestısııalyq qorynyń basqarma tóraǵasy qyzmetin atqardy. Keıin basqarma tóraǵasynyń, basqarýshy dırektordyń, vıse-prezıdenttiń, «Qazaqstan damý banki» aksıonerlik qoǵamy basqarma tóraǵasynyń keńesshisi boldy. Al 2012 jyldyń naýryzynan osy taǵaıyndaýǵa deıin Jambyl oblysy ákiminiń orynbasary qyzmetin atqaryp keldi. Joldybaı Bazar. Derekkóz: «QazAqparat». Foto: Vyborg-press.ru.