– Bul qazaqtyń salt-dástúrin ǵana emes, jalpy Ortalyq Azııa mádenıetin tanytatyn shyǵarma. Qundy eńbekten Qazaqstannyń kórkem tabıǵaty men kóshpelilerdiń baıyrǵy turmys-tirshiligin tanyp bilýge bolady, – deıdi, oǵan pikir jazǵan Hokkaıdo ýnıversıtetiniń qurmetti professory Takeda Masanao.
Jınaqtyń alǵysózinde qazaq folklory men jyrshy-jyraýlar jaıynda málimet berilip, «Qyz Jibek» eposynyń jınaqtap, zerttelý tarıhy baıandalǵan. Sonymen birge Jambyl atamyzdyń shyǵarmashylyǵy men qazaqtyń jyraýlyq dástúriniń erekshelikteri, epostardyń tól mádenıetimizdegi orny jáne kóne jyrda kezdesetin etnografııalyq termınderdiń túsiniktemesi berilgen. Aıtýly eńbek Memlekettik syılyqtyń laýreaty, qylqalam sheberi Aǵymsaly Dúzelhanovtyń «Qyz Jibek» toptamasyndaǵy kartınalarymen bezendirilgen. Aıta keteıik, lıro-epostyq dastannyń túpnusqasy Jambyl Jabaevtyń ádebı-memorıaldy mýzeıinde saqtalǵan.
