«Qazirgi tańda Ekologııa jáne tabıǵı resýrstar mınıstrligi jalpy quny 630,8 mln teńge bolatyn Egindikól aýylynan Stepnıak qalasyndaǵy astyq qabyldaý pýnktine deıingi uzyndyǵy 15 shaqyrym Nura toptyq sý qubyry ýchaskesin rekonstrýksııalaý jobasyn iske asyryp jatyr. Bıyl jobany iske asyrýdyń basynda respýblıkalyq bıýdjetten 330 mln teńge somasynda qarajat kózdelgen. Joba 2024 jyldyń shildesinde aıaqtalady dep josparlanyp otyr. Sonymen qatar jyl sońyna deıin jalpy uzyndyǵy 337 shaqyrym bolatyn Nura sý qubyrynyń qalǵan ýchaskelerin rekonstrýksııalaýǵa baǵyttalǵan jobalaý-smetalyq qujattamany ázirleý aıaqtalady. Rekonstrýksııalaýdyń quny shamamen 16 mlrd teńgeni quraıdy. Iske asyrý kezeńi – 2024-2026 jyldar», dep jaýap berdi Álıhan Smaıylov.
Úkimet basshysynyń aıtýynsha, Esildiń arnasyndaǵy sýdy tıimdi padalaný maqsatynda 2024 – 2027 jyldary Buzylyq sý qoımasy salynady.
«Ekologııa mınıstrligi shilde aıynda kóktemgi mol sýdy rettep, jınaqtaý úshin sondaı-aq onyń Esildiń tómen jaǵyndaǵy Sergeev, Petropavl sý qoımalarynyń turaqty jumysyn qamtamasyz etý úshin Esil qarymta rettegishin (Buzylyq sý qoımasy) salý jobasy boıynsha jobalaý-smetalyq qujattama ázirleýdi aıaqtaıdy. Qurylystyń boljamdy quny – 43 mlrd teńge. Iske asyrý kezeńi – 2024 – 2027 jyldar», dedi Premer-mınıstr.
