Memleket basshysy óńdeý ónerkásibin damytý máselelerine toqtaldy.
«Elimizdiń ekonomıkasy syrtqy saýdaǵa jáne ınvestısııaǵa árdaıym ashyq. Qazaqstan – Dúnıejúzilik saýda uıymynyń múshesi. Sondyqtan syrtqy saýdamyzdy erkin túrde damytýymyz kerek. Biraq keminde óz áleýetimiz jetetin nárselermen ózimizdi qamtamasyz etýimiz qajet. Mysaly, shıkizat ta, mamandar da, keıbir tehnologııa da óz elimizde bar. Eldiń ishki suranysyn óteýge qatysty bir negizgi ustanym bolýǵa tıis. Eń aldymen, ishki naryqqa baǵyttalǵan óńdeý ónerkásibin damytýymyz qajet», dedi Qasym-Jomart Toqaev.
Sondaı-aq óńdeý ónerkásibin damytý úshin ǵylymǵa jetkilikti kóńil bóliný keregin qosa aıtty. Ári depýttarǵa zań jobasy qajet ekenin eskertti.
«О́ńdeý ónerkásibin ınnovasııa men joǵary tehnologııa ǵana jedel damytady. Bul – aıdan anyq nárse. Sol sebepti Qazaqstan ekonomıkasy ǵylymı jetistikterdi negizge alýy kerek. Zertteý júrgizip, patent alý jetkiliksiz. Ǵylymı jańalyqtardy óndiriste paıdalaný qajet. Ǵylymdy jan-jaqty damytý úshin jańa zań qabyldaý kerek. Depýtattar osy zań jobasyna men beredi dep oılaımyn», dedi Prezıdent.
