Qazaqstannyń halyq ártisi - mádenıet salasynyń úzdik tulǵalaryna beriletin qurmetti ataq.
Bul marapat 1920 jyldary belgilengen bolatyn. «Qazaq AKSR halyq ártisi» ataǵy alǵash ret 1923 - 1924 jyly A.V. Zataevıch pen N.P. Annenkova Bernarǵa, 1931 jyly qazaqtyń ulttyq professıonaldy teatr óneriniń negizin salýshylar, akter Elýbaı О́mirzaqov pen rejısser, dramatýrg Jumat Shanınge berilgen.
Egemendik alǵannan keıin bul ataq 1991 jyldan «Qazaqstannyń halyq ártisi» dep ózgertildi.
Táýelsizdik jyldarynda mádenıet salasyna eleýli úles qosqan azamattar «Qazaqstannyń halyq ártisi» ataǵymen marapattalǵan. Olardyń qatarynda qazaq balet ártisi Bolat Aıýhanov, teatr jáne kıno ártisi Bıken Rımova, ánshi Roza Rymbaeva, Eskendir Hasanǵalıev, akter ári prodıýser Tuńǵyshbaı Jamanqulov, teatr aktrısasy Zámzágúl Sháripova, Roza Áshirbekova, Habıba Elebekova, Qazaqtyń tuńǵysh kásibı ıllıýzıonısi, kórnekti estrada-sırk ártisi Sara Qabıǵojına jáne osy syndy taǵy basqa da azamattar bar.
Búginde elimizde 49 óner qaıratkeri «Halyq ártisi» ataǵyna ıe. Onyń 37-si memlekettik mádenıet mekemelerinde jumys isteıdi.
1999 jyly «Qazaqstannyń halyq ártisi» ataǵy alynyp tastaldy.
2014 jyly Tuńǵyshbaı Jamanqulov bul ataqty qaıtarý jóninde usynys bildirgen.
«Mádenıet pen óner adamdary halyq súıispenshiligine bólený úshin janyn sala qyzmet etedi. Olardyń bıznesmender sekildi aqshasy men jıǵan-tergeni bolmaıdy. Ártis úshin eńbegi janyp, ataq-dańqy elenip jatsa, olardan baqytty adam joq. Sondyqtan «Eńbek sińirgen ártis» jáne «Halyq ártisi» degen qurmetti ataqtardy burynǵy júıemen qaıta jańǵyrtý qajet», dedi Tuńǵyshbaı Jamanqulov.
2022 jyly Prezıdent «Qazaqstannyń halyq ártisi» qurmetti ataǵyn qaıtarý týraly mınıstrlikke tapsyrma bergen.
Al búgin VIII saılanǵan Parlamenttiń birinshi sessııasynda sóılegen sózinde «Qazaqstannyń halyq ártisi» ataǵyn qalpyna keltirý týraly sheshim qabyldaǵanyn aıtty.
