“AQTО́BE” AQTAÝǴA KELDI

“Qazaqteńizkólikfloty” aksıonerlik qoǵamy taǵy bir alyp tankermen tolyqty. Nıjegorodtaǵy “Krasnoe Sormovo” zaýytynda qurastyrylǵan “Aqtóbe” tankeri júk kótergishtigi jaǵynan Kaspıı teńizindegi eń iri sý kóligi bolyp tabylady. Ulttyq kompanııanyń tapsyrysy boıynsha merziminen kóp buryn sýǵa túsirilgen tanker halyqaralyq standarttarǵa saı tehnıkanyń eń sońǵy jańalyqtarymen jabdyqtalǵan. Osy rette Mańǵystaý munaıynyń qoıýlyǵyna oraı ozyq tehnologııany paıdalaný, júk júıesin avtomatty túrde basqarý, qaýipsizdik sharalarynyń jetildirile túskendigin aıtýǵa bolady. 13 myń tonnadan astam júk kótere alatyn tankerdiń uzyndyǵy 147,8 metr, eni 17,3 metr, qaptalynyń bıiktigi 10,5 metr. Senbide Qazaqstan munaıy tıelgen “Aqtóbe” tankeri Aqtaýdan Mahachqalaǵa jol tartty. Saltanatty rásimge oblys ákimi Q.Kósherbaev, Parlament Májilisiniń depýtaty S.Ferho, “Krasnoe Sormovo” zaýytynyń ókilderi, qala jurtshylyǵy qatysyp, “Aqtóbege” sát sapar tiledi. AQTAÝ. Jolaman BOShALAQ, “Egemen Qazaqstan”.