26 naýryzda Qazaqstan quramasy 2024 jylǵy Eýropa chempıonatynyń irikteý kezeńi aıasynda elordadaǵy «Astana Arena» stadıonynda álemniń eń úzdik quramalarynyń biri Danııa fýtbolshylaryn qabyldap, 3:2 esebimen «Dat dınamıtin» tize búktirgen bolatyn. Sol matchtyń 86-mınýtynda Ashat Taǵybergenniń alystan qaqyrata tepken doby Kasper Shmeıheldiń qaqpasynan tabylyp, tarazy basyn teńestirgen-di.
Otandasymyzdyń bul goly áleýmettik jelide keńinen talqylanyp, 2024 jylǵy Eýropa chempıonatynyń resmı saıty uıymdastyrǵan saýaldamada týrdyń eń úzdik goly dep tanyldy. Ekinshi orynǵa Anglııa quramasynyń oıynshysy Býkaıo Sakanyń Ýkraına qaqpasyna soqqan goly ıe bolsa, úzdik úshtikti Belarýs fýtbolshysy Vladıslav Morozovtyń Rýmynııa quramasynyń qaqpasyn dál kózdegen goly túıindedi.
