Búginde atalǵan oqý ornynyń ǵylymı óndirispen sabaqtastyǵy belsendi damý jolyna túsken. Ýnıversıtet ǵalymdary óndirýshilermen birlesip, 3D prınter shyǵarýdyń ınnovasııalyq tehnologııasyn qoldanýǵa nıet tanytyp otyr. О́ndiris «ENU-Lab» ǵylymı-óndiristik ortalyǵynyń bazasynda qurylady.
– 3D prınterlerin shyǵarý bastapqyda qurylys jáne basqa salalar úshin kerek. Bolashaqta «ENU-Lab» ǵylymı-óndiristik ortalyǵynyń bazasynda 3D prınterdi geopolımer negizindegi jańa qurylys materıaldaryn shyǵarý úshin paıdalanyp, odan ári kommersııalandyrý jobamyz da bar. Osy segmenttegi jańa tehnologııalar qoldanylatynyn eskersek, bul óndiris elimizde birinshi ret iske qosylady, – dep túsindirdi ulttyq ýnıversıtettiń ınnovasııalardy damytý departamentiniń dırektory Ásel Jeksembaeva.
Shyǵarylatyn taýarǵa negizgi tapsyrys berýshiler elimizdegi jáne shet memleketterdiń tehnoparkteri, bilim berý men ǵylymı mekemeler jáne ındýstrııalyq kásiporyndar bolmaq. О́nimdi eksporttaý múmkindigi de bar.
– Qazir el aýmaǵynda jetkizý jáne tehnıkalyq qoldaý tehnologııasyn ázirleımiz. Sodan keıin syrtqy naryqqa shyǵýdy josparlap otyrmyz. Qazirdiń ózinde 3D prınterin satyp alýǵa daıyn О́zbekstan jáne Qyrǵyzstanmen baılanys ornattyq, – dedi «SpaceLab» JShS dırektory Arman Bekembaev.
Jobaǵa ýnıversıtet stýdentteri de qatysyp, praktıkalyq tájirıbelerin shyńdap, ǵylymı zertteý júrgizýge múmkindik almaq.
