Keshe keshki mezgilde jáne búgin tańerteń Atyraý qalasyn tútin tumshalap turdy. Osyǵan baılanysty turǵyndar áleýmettik jelide shaǵym aıtyp jatyr.
«Kaspıı teńiziniń jaǵalaýyndaǵy «Aqjaıyq memlekettik tabıǵı rezervatynyń aýmaǵynda qamys órtenip jatyr. Bul – Atyraý qalasynyń mańyndaǵy Damby aýylynan 30 shaqyrym qashyqtyqtaǵy aýmaq. Keshe, 2 sáýirde jergilikti ýaqytpen saǵat 19:00 shamasynda qamys órti shamamen 85 gektar aýmaqty sharpydy. Tótenshe jaǵdaılar departamenti men «Aqjaıyq» memlekettik tabıǵı rezervatynyń qyzmetkerleri 80 gektar aýmaqtaǵy órtti sóndirdi. Jel ekpini órtti sóndirýge qıyndyq keltirip tur. Eldi mekenderge tónip turǵan qaýip joq», dep málim etti departamenttiń qoǵammen baılanys tobynan.
Búgin teńiz jaǵalaýyndaǵy qamys órtin sóndirý jumystary jalǵasyp jatyr. Jalyndy sóndirýge tótenshe jaǵdaılar departamentinen 38 qyzmetker, 4 tehnıka, «Aqjaıyq» memlekettik tabıǵı rezervatynan 30 adam, 9 tehnıka, 2 qaıyq, 4 motopompa tartylǵan.
