Tartysqa toly tórtinshi týr

«Aqtóbe» fýtbolshylary úshinshi týrda byltyrǵy el chempıondary – «Astanany» óz alańynda 4:1 esebimen jeńgen soń, jankúıerler bul maýsym­da «qyzyl-aqtardy» toqtatý múm­kin emes dep topshylaǵan edi. Alaı­da arada bir týr ótpeı jatyp «aqtó­belikter» óz jankúıerleriniń aldynda «Qyzyljardan» masqara bolyp jeńildi – 3:1. Kezdesýdiń 35-mınýtynda Lýka Imnadze qonaqtardy esepte alǵa shy­ǵarsa, 56-mınýtta Pernambýko esepti ese­leı tústi – 2:0. Arada 18 mınýt ót­kende «Aqtóbe» sapynan Álibek Qasym 11 metrlik aıyp dobyn sátti oryndap, jergilikti jankúıerlerdiń keýdesine úmit otyn jaqty. Degenmen kezdesýdiń sońǵy mınýttarynda «qyzyljarlyq» Iýrıı Býshman mergendigimen kózge túsip, oıynnyń núktesin qoıdy. Osylaısha, qatarynan tórt oıynda jeńiske jetken Álı Álıev shákirtteri 12 upaımen týrnır kestesinde jeke-dara kósh bastady.

Tórtinshi týrdyń ortalyq oıyny sanalǵan «Astana» men «Ordabasy» arasyndaǵy matchta alań qojaıyndary esh qıyndyqsyz úsh upaıǵa qol jetkizdi. Qosalqy qurammen óner kórsetken shymkenttik ujym «Astana Arenada» 2:0 esebimen jeńilip qaldy. Ekinshi taımda «Astana» sapynan Marın Tomasov mer­gendigimen kózge tússe, keıinnen Ma­madý Mbodj óz qaqpasyna gol salyp aldy. Bir aıta keterligi, qonaqtar sapy­nan bul oıynǵa negizgi quramnyń birne­she fýt­bolshysy qatysqan joq. Atap aıt­qanda, legıonerlerden Rado­sav Petro­vıch, Bernardo Matıch, qazaq­standyq fýtbol­shylardan Sergeı Malyı men Baýyrjan Islamhan matchtyń hattamasyna da engen joq. Al Bobýr Abdýholıkov pen Ashat Taǵybergen qosalqy quramda qalyp qoıdy.

Qostanaıdyń «Tobyly» tórtinshi týrda mańyzdy eki upaıynan qaǵyldy. Úsh týrdan keıin týrnır kestesinde aldyńǵy orynda kele jatqan «Tobyl» syrt alańda bıyl ǵana Birinshi lıgadan joǵary topqa oralǵan Taldyqorǵannyń «Jetisý» klýbynan aılasyn asyra al­mady – 1:1. Kezdesýdiń 8-mınýtynda Iovan Ilıch qostanaılyqtardy esepte alǵa shyǵarǵanymen, 44-mınýtta Rýslan Teverov tarazy basyn teńestirip ketti. «Jeti­sý» chempıonattaǵy alǵashqy upaıy­­na qol jetkizdi.

4-týrdyń ózge matchtarynda mynadaı nátıjeler tirkeldi: «Atyraý» – «Oq­jetpes» – 0:4, «Aqsý» – «Maqtaaral» – 2:1, «Shahter» – «Qaırat» – 1:1, «Kas­pıı» – «Qaısar» – 1:3.

8-9 sáýir kúnderine josparlanǵan V týrda «Ordabasy» – «Aqtóbe», «Tobyl» – «As­tana», «Qaırat» – «Jetisý», «Qaısar» – «Shahter», «Maqtaaral» – «Kaspıı», «Oqjetpes» – «Aqsý» jáne «Qyzyljar» – «Atyraý» komandalary kezdesedi.