Atalǵan is-sharaǵa «Ońtústik» óńirlik qolbasshylyǵy qolbasshysynyń tárbıe jáne ıdeologııalyq jumystary jónindegi orynbasary polkovnık Oraz Kýchýkov, Saryózek garnızonynyń áskerı polısııa ókilderi men áskerı bólimderiniń komandırleri jáne ofıserler men kelisimshart boıynsha áskerı qyzmetshiler qatysty.
Saryózek garnızony baspasóz qyzmetiniń basshysy, maıor Abzal Sartaev aıtýynsha, jıyn áskerdegi tártipti kúsheıtýge baǵyttalǵan. Odan bólek jastardy áskerı patrıotızmge tárbıeleý bolyp otyr.
Kezdesýdi «Ońtústik» óńirlik qolbasshylyǵy qolbasshysynyń tárbıe jáne ıdeologııalyq jumystary jónindegi orynbasary polkovnık Oraz Kýchýkov ashyp, keshke shaqyrtylǵan quqyqorǵaý organynyń qyzmetkerlerin tanystyrdy jáne ótkizilgeli otyrǵan is-sharanyń maqsaty men mańyzdylyǵy týraly keńinen baıandap ótti.
Sondaı-aq ol áskerı bólimderde kóptep ótkizilip jatqan áskerı tártip boıynsha jumystary jáne áskerı tártiptiń mindeti men tárbıeleý ádisteri týraly sóz qozǵady.
Sonymen qatar kún tártibindegi ekinshi másele 2022-2024 jyldarǵa arnalǵan áskerı bólimderde quqyq buzýshylyqtardyń aldyn alý baǵdarlamasyn iske asyrý aıasynda atqarylyp jatqan ózekti taqyryptarǵa toqtalyp, joǵary basshylyqtardyń talaptaryn jetkizdi.
О́z kezeginde áskerı polısııa ókilderi aldymen ótken jyly Qazaqstan Respýblıkasy Qarýly Kúshterinde túrli sebepter boıynsha ákimshilik jáne quqyqbuzýshylyq faktilerdi qatysýshylarǵa jetkizip, oǵan jol bermeýge shaqyrdy.
Odan basqa áskerı qyzmetshilerge dóńgelek ústel taqyryptary boıynsha jan-jaqty túsinik berilip, áskerı tártiptiń talaptary tolyq túsindirildi. Odan ózge, jıynǵa qatysýshylar óz usynystary men pikirlerin ortaǵa salyp, týyndaǵan suraqtar boıynsha pikir almasty.
«Kezdesý óte mazmundy ótti, barlyq tilek bildirýshiler sóz sóıledi, áskerimizde áskerı tártipti joǵary deńgeıde ustanyp, ony qalaı únemi jaqsartýǵa bolatyny týraly kóptegen maǵlumattar aıtyldy. Áskerı tártip árbir áskerı qyzmetshini óziniń áskerı boryshyn adal atqarýǵa mindetteıdi. Al áskerı adamdardyń bul qasıetke jaqyn bolýy ishki tártiptiń kúshtiliginde», dep túsindirdi 12740 áskerı bólim komandıriniń tárbıe jáne ıdeologııalyq jumystary jónindegi orynbasary podpolkovnık Nurǵalı Aqylbaev.
Jıyndy qorytyndylaǵan polkovnık Oraz Kýchýkov áskerı tártip pen basqa da quqyq buzýshylyqtardyń aldyn alý sharalaryn kúsheıtý boıynsha mindetterdi iske asyrý negizinde birshama tapsyrmalardy bekitti.
