Onyń aýyl arasynda jeńil qozǵalatyn, yqsham kóligin kórshileri de jıi paıdalanady. Ol kóliginiń uzaq jyldan beri senimnen shyǵyp kele jatqanyna rıza. О́z aýylynda elektrık-dánekerleýshi bolyp jumys istep júrgen Jaǵypar qoly bos kezinde aýyldastarynyń buzylyp qalǵan kólikterin jóndep beretin. Ol qoranyń ár buryshynda jatqan jaramsyz tehnıka bólshekterin jınap qana qoımaı, kádege asatyndarynan sharýaǵa qajetti soqa, túren jasap bere júrip, metall buıymdaryn iske asyrýdyń naǵyz sheberine aınaldy. Joqtan bardy qurastyryp, temirden túıin túıgen sheber osydan keıin sharýaǵa yńǵaıly traktor jasaýǵa degen qyzyǵýshylyǵyn iske asyrýǵa kiristi. Qajetti bólshekterdi jan-jaqtan satyp alyp, qalǵanyn iske aspaı jatqan eski kólikterden jınaqtady. О́zi kópten beri armandap júrgen dánekerleýshi apparatqa qol jetkizgen soń oıyna alǵan sharýasy oraıynan kele bastady. Traktordyń negizgi bóligi – motoryn aýyr júk kóliginen alsa, dońǵalaqtaryn jınaý onsha qıynǵa soqqan joq. Sebebi ár aýylda buzylǵan tehnıkanyń dóńgelekteri úıilip jatatyny belgili.
Qazirgi kezde Jaǵypar traktoryna tirkeme jalǵap, jazda shabylǵan shópti aýylǵa tasıdy. Ol el ishindegi temirden túıin túıetin ustalarǵa dánekerleýshi jabdyqtar satyp alýǵa qoldaý bolsa, aýyl turmysyna qajetti buıymdardy ózderi-aq jasap alar edi degen usynys aıtty.
Aqtóbe oblysy
