Keshe tań aldynda oınalǵan Belgııa jáne AQSh jasaqtary arasyndaǵy matchtan keıin álem chempıonatynyń shırek fınalyna shyqqan komandalardyń attary túgel belgili boldy. Bul segizdikti Brazılııa, Kolýmbııa, Gollandııa, Kosta-Rıka, Fransııa, Germanııa, Argentına jáne Belgııa quramalary qurady.
Endi 1/8 fınaldyń burnaǵy kúni túnde jáne keshe tań aldynda aıaqtalǵan eki kezdesýine qysqasha sholý jasap óteıik. Budan buryn málim etkenimizdeı, bulardyń aldyńǵysynda Argentına men Shveısarııa arasyndaǵy oıynnyń negizgi ýaqyty 0:0 esebimen teń aıaqtaldy. Al overtaımda argentınalyqtar 1:0 esebimen jeńiske jetti.
Qarsylastar kezdesýdiń alǵashqy 15 mınýtyna deıin bir-birleriniń qaqpalaryna pálendeı qaýip tóndire almady. Degenmen, bul aralyqta argentınalyqtardyń azdaǵan artyqshylyǵy baıqalǵany ras. Olar dopqa da kóbirek ıelik etti, shabýyldy da artyǵyraq jasady. Biraq Shveısarııa fýtbolshylarynyń sırek jasaǵan qarsy shabýyldary qaýiptirek kórindi. Taımnyń sońynda olar eki ret gol soǵý sátinde turdy. Alǵashynda 39-mınýtta olar qaýyrt joryqqa shyqty. Oń qaptaldan Iosıp Drmıchke pas tastaldy. Qaqpashy Serhıo Romero ony qaǵyp alýǵa umtyldy. Biraq múlt ketti. Ony ilip áketken Iosıp aıyp alańyna kirip, Romerodan asyryp atty. Alaıda, óte baıaý ushqan dopty qaqpashy ońaı qaǵyp aldy. 45-mınýtta Jerdan Shakırı uzaq arbasyp baryp, qaqpaǵa qaraı dop áýeletti. Ony golkıper syrtqa shyǵaryp jiberdi.
Ekinshi taım da alǵashqysynyń kóshirmesindeı bolyp shyqty. Munda Argentına shabýyldaýmen, al Shveısarııa qarsy shabýylǵa shyǵýmen boldy. Eki jaqtyń da gol soǵatyn sátteri az bolǵan joq. Áıtkenmen, olardan nátıje shyǵa qoımady. Sóıtip, negizgi ýaqyt ta bitti. Al qosymsha taım bitýge 2 mınýt qalǵan shamada argentınalyq Anhel dı Marııa gol soǵyp, óz komandasyna jeńis syılady.
Budan keıin Belgııa men AQSh komandalary ushyrasty. Munda da negizgi ýaqyt 0:0 esebimen aıaqtaldy. Sosyn jeńimpazdy qosymsha taımdarda anyqtaýǵa týra keldi. Al overtaımda belgııalyqtar 2:1 esebimen jeńiske jetti. Match bastan-aıaq keskilesken tires ústinde ótti. Onyń óne boıynda belgııalyqtar aıtarlyqtaı basymdyq tanytty. Bul kóptegen múmkindikterdiń júzege asyrylmaǵan matchy boldy. Olardyń denin eýropalyqtar jasady.
Qosymsha taım aldyńǵy kezeńderdegi qarqynnyń basylmaǵanyn kórsetti. Taǵy da quıyndaı quıǵytqan shabýyldarǵa kezek keldi. Solardyń biri 93-mınýtta jasaldy. Aldymen Romelý Lýkaký oń qaptalda dopqa talasty jeńip shyqty. Ol sosyn qaqpa alańyna qaraı zýyldady. Biraq onyń soqqysy dál bolmady. Qaqpashydan qaıtqan dop Kevın de Brıýıneniń oń jambasyna kele qaldy. Onyń jerletip urǵan doby baǵannyń dál janynan ótip, torǵa top ete tústi. Gol! Kezdesýdiń sońy Belgııa quramasynyń basymdyǵyn taǵy bir golǵa aınaldyryp shyǵa keldi. Ony Lýkaký túsirdi. Budan ári adam túsinbesteı jaǵdaı bolyp ketti. Alańǵa endi ǵana shyqqan amerıkalyq Djýlıan Grın 107-mınýtta aldyna kelgen dopty toqtatpastan uryp, qaqpaǵa kúmp etkizdi – 1:2.
Chempıonattaǵy shırek fınaldyq oıyndar 4-5 shilde kúnderi oınalady. Olarda Fransııa – Germanııa, Brazılııa – Kolýmbııa, Argentına – Belgııa jáne Gollandııa – Kosta-Rıka ózara kezdesip, jartylaı fınalǵa shyǵatyn komandalardy anyqtaıdy.
Rýslan IGILIK.
Endi 1/8 fınaldyń burnaǵy kúni túnde jáne keshe tań aldynda aıaqtalǵan eki kezdesýine qysqasha sholý jasap óteıik. Budan buryn málim etkenimizdeı, bulardyń aldyńǵysynda Argentına men Shveısarııa arasyndaǵy oıynnyń negizgi ýaqyty 0:0 esebimen teń aıaqtaldy. Al overtaımda argentınalyqtar 1:0 esebimen jeńiske jetti.
Qarsylastar kezdesýdiń alǵashqy 15 mınýtyna deıin bir-birleriniń qaqpalaryna pálendeı qaýip tóndire almady. Degenmen, bul aralyqta argentınalyqtardyń azdaǵan artyqshylyǵy baıqalǵany ras. Olar dopqa da kóbirek ıelik etti, shabýyldy da artyǵyraq jasady. Biraq Shveısarııa fýtbolshylarynyń sırek jasaǵan qarsy shabýyldary qaýiptirek kórindi. Taımnyń sońynda olar eki ret gol soǵý sátinde turdy. Alǵashynda 39-mınýtta olar qaýyrt joryqqa shyqty. Oń qaptaldan Iosıp Drmıchke pas tastaldy. Qaqpashy Serhıo Romero ony qaǵyp alýǵa umtyldy. Biraq múlt ketti. Ony ilip áketken Iosıp aıyp alańyna kirip, Romerodan asyryp atty. Alaıda, óte baıaý ushqan dopty qaqpashy ońaı qaǵyp aldy. 45-mınýtta Jerdan Shakırı uzaq arbasyp baryp, qaqpaǵa qaraı dop áýeletti. Ony golkıper syrtqa shyǵaryp jiberdi.
Ekinshi taım da alǵashqysynyń kóshirmesindeı bolyp shyqty. Munda Argentına shabýyldaýmen, al Shveısarııa qarsy shabýylǵa shyǵýmen boldy. Eki jaqtyń da gol soǵatyn sátteri az bolǵan joq. Áıtkenmen, olardan nátıje shyǵa qoımady. Sóıtip, negizgi ýaqyt ta bitti. Al qosymsha taım bitýge 2 mınýt qalǵan shamada argentınalyq Anhel dı Marııa gol soǵyp, óz komandasyna jeńis syılady.
Budan keıin Belgııa men AQSh komandalary ushyrasty. Munda da negizgi ýaqyt 0:0 esebimen aıaqtaldy. Sosyn jeńimpazdy qosymsha taımdarda anyqtaýǵa týra keldi. Al overtaımda belgııalyqtar 2:1 esebimen jeńiske jetti. Match bastan-aıaq keskilesken tires ústinde ótti. Onyń óne boıynda belgııalyqtar aıtarlyqtaı basymdyq tanytty. Bul kóptegen múmkindikterdiń júzege asyrylmaǵan matchy boldy. Olardyń denin eýropalyqtar jasady.
Qosymsha taım aldyńǵy kezeńderdegi qarqynnyń basylmaǵanyn kórsetti. Taǵy da quıyndaı quıǵytqan shabýyldarǵa kezek keldi. Solardyń biri 93-mınýtta jasaldy. Aldymen Romelý Lýkaký oń qaptalda dopqa talasty jeńip shyqty. Ol sosyn qaqpa alańyna qaraı zýyldady. Biraq onyń soqqysy dál bolmady. Qaqpashydan qaıtqan dop Kevın de Brıýıneniń oń jambasyna kele qaldy. Onyń jerletip urǵan doby baǵannyń dál janynan ótip, torǵa top ete tústi. Gol! Kezdesýdiń sońy Belgııa quramasynyń basymdyǵyn taǵy bir golǵa aınaldyryp shyǵa keldi. Ony Lýkaký túsirdi. Budan ári adam túsinbesteı jaǵdaı bolyp ketti. Alańǵa endi ǵana shyqqan amerıkalyq Djýlıan Grın 107-mınýtta aldyna kelgen dopty toqtatpastan uryp, qaqpaǵa kúmp etkizdi – 1:2.
Chempıonattaǵy shırek fınaldyq oıyndar 4-5 shilde kúnderi oınalady. Olarda Fransııa – Germanııa, Brazılııa – Kolýmbııa, Argentına – Belgııa jáne Gollandııa – Kosta-Rıka ózara kezdesip, jartylaı fınalǵa shyǵatyn komandalardy anyqtaıdy.
Rýslan IGILIK.
