Dımash Qudaıbergen «New York Film Academy» akademııasynda rejısser mamandyǵy boıynsha taǵylymdamadan ótýi kerek edi. Biraq Dımash qazaqstandyq jýrnalıstke bergen suhbatynda ol Los-Andjeleste oqý úshin emes, «Tıtanık» fılminiń aty ańyzǵa aınalǵan mýzykasynyń avtory, mýzykalyq prodıýser Valter Afanaseffpen án jazý úshin kelgenin aıtty.
«Meniń jeke konserttik qyzmetim bar. Dúnıe júzindegi jankúıerlerimmen kezdesip júrmin. Osynyń bárin oqýmen qalaı úılestiremin dep uzaq oılandym. Kóp adam meni Los-Andjeleste oqıdy dep oılaıdy eken. Men turatyn jerde shoý-bıznes óte qatty damyǵan. Mysaly, men Beıjińde 4 jarym jyl turdym, kóptegen kompozıtorlarmen jumys istedim, qazir AQSh-ta turamyn, biraq esh jerde oqymaımyn.
Tıtanık ánin jáne basqa da kóptegen tanymal ánderdi shyǵarǵan Ýolter aǵaıdy bárińiz biletin shyǵarsyz. Ol búginde aty ańyzǵa aınalǵan ánderdiń avtory. Sonymen, qazir biz Ýolter aǵaımen jumys istep, án jazýǵa tyrysamyz. Jaqynda barlyqtaryńyz bul ánderdi tyńdaı alasyzdar dep úmittenemin. Jalpy, men qazir tek jumyspen, shyǵarmashylyqpen aınalysamyn», dedi Dımash Rashıt Ilııasovqa bergen suhbatynda.
Dımash Qudaıbergen ózine tıesili «Bolashaq» stıpendııasyn kelesi jyly talantty qazaqstandyqqa tartý etetinin aıtty.
