О́kinishke qaraı, halyqaralyq uıym usynyp otyrǵan reıtıngte Qazaqstan balýandarynyń nátıjesi jankúıerlerdiń kóńilin kónshitpeıdi. О́ıtkeni jańartylǵan reıtıngtiń TOP-10 tizimine bir-aq balýanymyz engen. Keıingi ýaqytta táýir nátıjesimen kózge túsip, únemi júldegerler qatarynan kórinip júrgen Ábıba Ábýjaqynova (48 kg) óz salmaǵynda besinshi satyǵa jaıǵasqan. Odan keıingi úzdik nátıje erler quramasynyń ókilderi – Maǵjan Shamshadın (60 kg) men Danııar Shamshaevke (73 kg) tıesili. Eki balýanymyz da reıtıngte 15-orynda tur.
Al Túrkııadaǵy jarysta Qazaqstan quramasy sapynan jalǵyz qola júldeni jeńip alǵan Nurqanat Serikbaev álemdik reıtıngte 15 saty joǵarylap, 60 kılo salmaq dárejesinde 36-orynǵa kóterildi. О́zge salmaqtaǵy balýandarymyzdyń reıtıngine toqtalar bolsa, Ǵusman Qyrǵyzbaev (66 kg) – 24, Abylaıhan Jubanazar (81 kg) – 22, Dıdar Hamza (90 kg) – 24, Nurlyhan Sharhan (100 kg) – 24, Ádil Orazbaev 41-orynda keledi.
