Kezdesý barysynda qazaqstandyq dıplomat suhbattasyn Qazaqstanda sońǵy saıası jáne áleýmettik-ekonomıkalyq ózgeristermen, atap aıtqanda, Jańa Qazaqstandy qurýǵa baǵyttalǵan Prezıdent Qasym-Jomart Toqaevtyń bastamalary men reformalaryn iske asyrý aıasyndaǵy negizgi memlekettik ınstıtýttardy qaıta jańartýdyń sońǵy kezeńine aınalǵan QR Parlamenti Májilisi depýtattaryn saılaýdyń qorytyndylarymen jáne jańa Úkimettiń quramymen tanystyryp ótti.
Sonymen qatar taraptar Qazaqstan men Saýd Arabııasy arasynda tikeleı turaqty áýeqatynasyn iske qosý máselelerin talqylady.
B. Aryn QR Úkimetiniń eki el azamattarynyń iskerlik jáne týrıstik saparlaryn jeńildetý jónindegi sharalary, onyń ishinde Koroldik azamattary úshin vızasyz rejımdi engizý jáne Qazaqstan áýejaılarynda «áýe erkindiginiń» besinshi dárejesin paıdalaný múmkindigi týraly habardar etti.
О́z kezeginde B. Ál-Mohanna kompanııanyń qazaqstandyq tarappen iskerlik jáne týrıstik baılanystardy nyǵaıtýǵa qyzyǵýshylyǵyn qýattap, bul maqsatta bıyl Qazaqstan men Saýd Arabııasy qalalary arasynda tikeleı turaqty áýe reısterdiń iske qosylatynyn málimdedi. Bul reısterdi «Airbus A330» jańa ushaqtary júzege asyratyn bolady.
