Almaty oblysy UQK burynǵy basshysy óz ókilettiligin asyra paıdalanǵany úshin sot sheshimimen 332-bap, 4-bólik boıynsha 6 jylǵa bas bostandyǵynan aıyryldy. Sondaı-aq 10 jylǵa quqyq qorǵaý organdarynda jumys isteýge tyıym salyndy.
Taldyqorǵan qalalyq soty Sábıt Qurmanalıev Almaty oblysy UQK basshysy bola tura, óziniń qyzmettik mindetterin elemeı, 2022 jylǵy 5 qańtarda bolǵan oqıǵalardy eskere otyryp, jeke quramǵa vedomstvo ǵımaratyn qorǵaý jóninde sharalar qoldanbaýǵa jáne ákimshilik ǵımarattan ketýge zańsyz buıryq bergenin anyqtady.
Sonymen qatar ol resmı jáne qupııa qujattardy joıýǵa buıryq bergen. Osylaısha UQK departamentiniń basyp alynýyna jaǵdaı jasaǵan.
