Balqash-Alakól oblysaralyq balyq sharýashylyǵy basseın ınspeksııasynyń Tómengi Ile balyq ınspeksııasynyń memlekettik ınspektory «Maıtan» JShS qoryqshysymen birge Ile ózeninde birlesken reıd júrgizgen.
Onyń barysynda tyıym salynǵan quraldy (elektr togyn) qoldana otyryp zańsyz balyq aýlaý deregi anyqtaldy.
Úsh motorly qaıyqta 6 adam brakonerlikpen aınalysyp otyrǵan.
Memlekettik ınspektor kúdiktilerdi ustaýǵa áreket qylyp jatqanda olar qarsylyq kórsetip, ınspektordyń qaıyǵyn sýǵa batyrýǵa áreket jasap, oqıǵa ornynan boı tasalap ketti.
Bul jaǵdaıda QR Qylmystyq kodeksiniń 380-1-babynda kózdelgen quqyq buzýshylyq, ıaǵnı memlekettik ınspektor men qoryqshynyń qyzmettik mindetterin oryndaý kezinde olardyń ómirine qol suǵý bar.
Osy bapqa sáıkes janýarlar dúnıesin qorǵaý jónindegi memlekettik ınspektor men qoryqshyǵa olardyń qyzmettik mindetterin oryndaý kezinde qasaqana is-áreketi úshin múlki tárkilene otyryp, 10 jyldan 15 jylǵa deıin bas bostandyǵynan aıyrylady.
Sonymen qatar balyq resýrstaryn jáne basqa da sý janýarlaryn zańsyz óndirgeni úshin QR QK 335-babymen 3 jylǵa deıingi merzimge bas bostandyǵynan aıyrý túrindegi qylmystyq jaýapkershilik bar.
Osyǵan baılanysty Almaty oblysy Balqash aýdanynyń polısııa bólimine ustaý kezinde qarsylyq kórsetý, qyzmettik mindetterin atqarý kezinde laýazymdy adamdarǵa shabýyl jasaý jáne zańsyz balyq aýlaý faktileri boıynsha is júrgizý sheshimin qabyldaý úshin ótinish berildi.
Bul másele Balyq sharýashylyǵy komıtetiniń baqylaýyna alyndy.
