Boljamǵa sáıkes, elimizdiń basym bóliginde turaqsyz aýa raıy saqtalady.
«Ońtústik-shyǵystyń taýly aımaqtarynda qar aralas jańbyr jaýady, soltústik aımaqtarda – qar, ońtústikte, ońtústik-shyǵysta jańbyr jaýady, taýly aımaqtarda qatty jaýyn-shashyn bolady. Tek elimizdiń batysynda, soltústik-batysynda, eldiń soltústiginde jaýyn-shashynsyz ashyq aýa raıy kútiledi. Respýblıkamyzdyń basym bóliginde jel kúsheıedi, tuman bolady, soltústik oblysta kóktaıǵaq, eldiń ońtústiginde, ońtústik-batysynda, ońtústik-shyǵysynda – naızaǵaı oınap, burshaq túsedi dep boljanady», delingen «Qazgıdromet» RMK habarlamasynda
Sondaı-aq sınoptıkter túnde elimizdiń ońtústiginde, shyǵysynda, Almatynyń taýly aýdandarynda, Jetisý oblysynyń taýly aýdandarynda, kúndiz Jambyl oblysynyń taýly aýdandarynda qatty jańbyr jaýatynyn aıtady.
«Túnde Jetisý oblysynyń soltústiginde aýa temperatýrasy -1 gradýsty kórsetip, úsik júredi», delingen «Qazgıdromet» RMK habarlamasynda.
