«Umytyp ketpe meni»

Is-sharaǵa arnaıy kelgen aqynnyń uly, Qazaqstan J­azýshylar odaǵynyń mú­shesi Baqytjan Sovetuly ákesi tý­ra­ly jyly estelik­te­rimen bólisti. Sondaı-aq ol oqý­shylar arasynda uıymdas­ty­rylǵan «Álimqulov oqý­lary» baıqaýynyń jeńimpazdaryn marapattap, ákesiniń óleńderin jatqa oqyǵan jasóspirimderge rızashylyǵyn jetkizdi.

«Umytyp ketpe meni» ta­qy­rybynda ótken is-shara ba­­ry­synda belgili aqyn­nyń ba­­ýyr­lary Abzabek, Is­lambek Álimqulovtar qa­lam­gerdiń kisilik beınesi, shy­ǵarmashylyǵy týraly pi­­kir­lerin ortaǵa salsa, Qa­zaq­stannyń eńbek sińirgen ártisi, teatr akteri Asqarbek Seıilhan ákesiniń óleńderin nası­hattaýda aıanbaı eńbek etip júrgen Baqytjan Sovet­ulyna, aýdandyq kitaphana ujymyna alǵysyn bildirdi.

«Jurt balalar aqyny re­tinde tanyǵan Sovet Álim­­qulov­tyń lırıkalyq óleń­deri de jetip-artylady. Onyń «Qol aına», «Sybyzǵy», «О́rim­­tal» sekildi ózge de jı­naq­tary oqyrman qaýymdy baý­rap alatyny ras. Balalar ále­mi­niń baǵbanyna aınalǵan aqyn­nyń shyǵarmalary jas urpaqpen birge uzaq jasaı­tynyna kúmánimiz joq», dedi Qazaqstan Jazý­shylar odaǵy oblystyq fılıa­lynyń dırektory, aqyn Hamıt Esaman ádebı keshte sóılegen sózinde.

Aýdan ákiminiń orynbasary Álibek Terlikbaevtyń aıtýynsha, Turar Rysqulov aýdanynan shyqqan qalamgerlerdiń shyǵarmalaryn nasıhattaýǵa arnalǵan is-sharalar legi mu­nymen toqtap qalmaq emes. Ádemi ándermen ádiptelgen kesh aqyn sózine jazylǵan «Umy­typ ketpe meni» ánimen túıin­deldi.

Jambyl oblysy,

Turar Rysqulov aýdany,

Qulan aýyly