QURAMADA QANDAI JAŃALYQ BAR?

Osy aptada fýtboldan Qazaqstan quramasy oqý-jattyǵý jıyndaryn bastady. Aptanyń sońyna deıin sozylatyn jattyǵý jıyndaryna ulttyq quramanyń bas bapkeri Bernd Shtork 26 fýtbolshyny, onyń ishinde “Tobyl” komandasynyń kapıtany Nurbol Jumasqalıevti shaqyrdy. Nurboldan basqa nemis mamany jasaqtaǵan quramanyń qatarynda “Aqtóbe” komandasynda oınaıtyn, kezinde Máskeýdiń “Spartak” pen “Dınamo” komandalarynyń qaqpa­shysy bolǵan Andreı Sıdelnıkov, odan basqa ózimizde óner kórsetip júr­gen Aleksandr Grıgorenko, Alek­sandr Kırov, Mıhaıl Rojkov, Sergeı Lısenkov, Ilıa Vorot­nı­kov, Dmıtrıı Shomko sııaqty jańa esimder bar. Quramaǵa tolyq shaqyrylǵan fýt­bolshylar tizimi tómendegideı: Qaqpashylar: Aleksandr Mo­kın, (“Ordabasy”), Aleksandr Grı­go­renko (“Shahter”), Andreı Sı­del­nıkov (“Aqtóbe”). Qorǵaýshylar: Mıhaıl Rojkov, Aleksandr Kırov ( “Lokomotıv”), Ilıa Vorotnıkov (“Atyraý”), Iýrıı Logvınenko (“Aqtóbe”), Far­hatbek Yrysmetov (“Tobyl”), Dmıt­rıı Shomko (“Ertis”), Alek­sandr Kıslısyn (“Shahter”). Jartylaı qorǵaýshylar: Ulan Qonysbaev (“Taraz”), Azat Nur­ǵa­lıev (“Tobyl”), Sergeı Skoryh (“Shah­ter”), Jambyl Kókeev, Mak­sım Azovskıı (“Lokomotıv”), As­lan Darabaev, Konstantın Golov­skoı, Andreı Karpovıch (bári de “Aqtóbe”) Shabýylshylar: Tańat Nóser­baev, Dáýrenbek Tájimbaev, Andreı Fı­nonchenko (úsheýi de “Shahter”), Nur­­bol Jumasqalıev (“Tobyl”), Ser­­geı Hıjnıchenko, Sergeı Os­ta­penko (“Lokomotıv”), Evgenıı Aver­chenko, Sergeı Lısenkov (“Aq­­tóbe”). Al Qazaqstan quramasynyń ma­myr aıynyń sońynda jarııalanǵan reıtıngisine keler bolsaq, Bernd Shtork jattyqtyratyn ulttyq qu­ra­ma 2012 jylǵy álem chempıona­tynyń irikteý týrnıri aıaqtalǵan kez­degi qozǵalmaǵan sol 129-shy or­nynda tur. Bizdiń el ÝEFA-ǵa mú­she elderdiń ishinen tek Andorradan (120), Lıhtenshteınnen (149), Mal­­tadan (157) jáne San-Ma­rı­no­­dan (202) ǵana joǵary ornalasqan. Reıtınginiń eń joǵary saty­syn­da Brazılııa ornalassa, ekinshi Is­panııa, úshinshi orynda Por­tý­galııa quramalary jaıǵasqan. Endi ulttyq quramalardyń kelesi reı­tıngi 14 shildede, álem chempıonaty aıaqtalǵannan keıin úsh kún ótken soń jarııalanady. Dastan KENJALIN.