Prezıdent ǵylym aýqymyn keńeıtý maqsatynda arnaıy tapsyrma berdi.
«Ýnıversıtetterdegi ǵylymdy júıeli túrde damytý úshin ǵylymı mekemelerdiń aýqymdy jelisin qalyptastyrý qajet. Aımaqtarda akademııalyq artyqshylyq ortalyqtaryn, sondaı-aq tehnoparkter, ınjınırıng habtary men zerthanalar ashýdy tapsyramyn. Bul rette aımaqtyń ereksheligimen qatar, ǵylymı-tehnologııalyq jáne ekonomıkalyq damý basymdyqtaryn eskerý mańyzdy», dedi Qasym-Jomart Toqaev.
Sonymen qatar, Memleket basshysy ǵylymǵa bólingen qarjy tıimsiz jumsalyp, tıisti jerge jetpeı qalatynynyn nazarǵa saldy.
«Ǵylymdy memleket tarapynan qarjylandyrýǵa ǵalymdar, naqtyraq aıtqanda psevdoǵalymdar «maıshelpek» retinde qaramaýy kerek ekenin basa aıtqym keledi. Qarjy granttarynyń kóbinese ǵylymı mańyzy, ózektiligi joq jobalarǵa beriletini eshkimge jasyryn emes. «Parasat» ǵylymı holdınginde bolǵan ókinishti jaǵdaı – osynyń anyq mysaly. Bólingen qarajattyń bári qumǵa sińgen sýdaı boldy. Al onyń burynǵy basshysy, hımııa ǵylymdarynyń doktory Amerıka azamattyǵyn alyp, otbasymen birge elden ketip qaldy», dedi Prezıdent.
Sondaı-aq sheteldik oqý oryndarmen birlesken jumysty ári qaraı jalǵasytyrýdy tapsyrdy.
«Elimizdegi zertteý ýnıversıtetteriniń sanyn birtindep kóbeıtý qajet. Sheteldiń jetekshi joǵary oqý oryndarynyń fılıaldaryn ashý tájirıbesin jalǵastyrý kerek», dedi Qasym-Jomart Kemeluly.
