Inchhon qalasynda uıymdastyrylǵan boks keshiniń basty aıqasynda óner kórsetken Meıirim Nursultanov (19-0, 10 KO) búginge deıin kásipqoı sharshy alańda 15 kezdesý ótkizip, sonyń 14-in merziminen buryn aıaqtaǵan Japonııanyń maqtanyshy Kadzýto Takesakony segizinshi raýndta sulatyp túsirdi. Bul jekpe-jekte orta salmaqtaǵy WBO International tujyrymy boıynsha chempıondyq ataǵyn taǵy bir márte sátti qorǵady.
Al sýper aýyr salmaqta judyryqtasatyn otandasymyz Nursultan Amanjolov jergilikti boksshy Sýk Hı Anmen qolǵap túıistirip, qarsylasyn segiz raýndqa josparlanǵan aıqastyń úshinshi raýndynda esinen tandyrdy. Bul – otandasymyzdyń kásipqoı bokstaǵy besinshi jáne merziminen buryn aıaqtaǵan tórtinshi jeńisi.
