Tórt kúnge jalǵasqan básekeniń sońǵy kezeńinde máre syzyǵyn birinshi bolyp kesken otandasymyz Alekseı Lýsenko jalpy esepte de úzdik shyqty. 216 shaqyrymǵa jalǵasqan jarystyń eń qıyn jáne taýly kezeńin jerlesimiz 5 saǵat 29 mınýt 50 sekýnd ishinde júrip ótti. Odan keıingi oryndarǵa ońtústikafrıkalyq Lýıs Meıntdjes («Intermarché – Circus – Wanty») pen ıtalııalyq Vınchenso Albaneze («EOLO-Kometa») jaıǵasty.
Jalpy esepte de dál osy úsh veloshabandozdyń mereıi ústem boldy. Al «Astana» velokomandasyna bıyl ǵana qosylsa da, eki jarysta úzdikter qatarynan kóringen brıtanııalyq Mark Kavendısh bul joly 102-orynda qalyp qoıdy.
