Irikteý jarysynyń aldyndaǵy jerebe tartý rásiminde Qazaqstan – Polsha matchyn dúnıejúzilik reıtıngte 45-orynda turǵan Iýlııa Pýtınseva men álemniń 19-raketkasy Magda Lınett bastaıtyny belgili boldy. Qarsylastar osy matchqa deıin ózara jeti ret kezdesip, sonyń beseýinde Magda jeńiske jetken eken. Tek eki oıynda ǵana jerlesimizdiń mereıi ústem bolǵan.
Astanadaǵy báseke bastalǵan bette bıylǵy Aýstralııa ashyq birinshiliginiń jartylaı fınalısi M.Lınett «á» degennen eki breık jasap, 4:0 esebimen alǵa uzap ketti. Pýtınseva qarsylasyna qaraǵanda topyraq tósenishine erterek beıimdelýi úshin elordaǵa bir apta buryn kelse de, alǵashqy tórt geımde óte kóp qatelik jasady. Besinshi geımde ǵana qumdaýyt kortqa beıimdele bastaǵan Iýlııa Lınett dopty oıynǵa qosqan sátte breık jasap, keıinnen óz múmkindigin tıimdi paıdalana bildi – 4:2. Osydan keıin Pýtınsevanyń oıyny júre bastady. Sport keshenine jınalǵan jankúıerlerdiń qyzý qoldaýynyń arqasynda ol sońǵy tórt geımde qarsylasyna birde-bir upaı bermeı, tamasha kambek jasady – 7:5.
Iý.Pýtınseva ekinshi setti de sátti bastady – 2:0. Sodan soń taǵy bir breık jasap, tablodaǵy esepti 4:1-ge jetkizgenimen, Lınett sol boıda ese qaıtarýǵa tyrysty. Degenmen, jerlesimiz myqtylyq tanytyp, ekinshi sette de jeńiske jetti – 6:3. Osylaısha, birinshi oıynnan keıin Qazaqstan 1:0 esebimen alǵa shyqty.
Ulttyq qurama sapynda 18-jeńisine qol jetkizgen Iýlııa Pýtınseva Qazaqstan tennısshileri arasynda eń kóp jeńiske jetken sportshy atanyp, óz rekordyn jańartty. Keıingi oryndarǵa Qazaqstan əıelder quramasynyń qazirgi kapıtany Iаroslava Shvedova men Zarına Dıas jaıǵasqan. Olardyń enshisinde ulttyq qurama sapynda 14 jeńis bar. Iýlııa Bıllı Djın Kıng dodasynda 2014 jyldan beri óner kórsetip keledi.
Pýtınsevanyń izin ala kortqa Qazaqstannyń birinshi, álemniń 7-raketkasy Elena Rybakına shyqty. Ol reıtıngte 253-satyǵa jaıǵasqan 22 jastaǵy Veronıka Falkovskamen sheberlik baıqasady. Ulttyq tennıs ortalyǵyna jınalǵan tennıs jankúıerleri bul kezdesýde Rybakınanyń aıqyn jeńisine senimdi bolǵan edi. Alaıda Falkovska Astanaǵa Polshadan beker kelmegenin baıqatyp, birinshi sette otandasymyzdy biraz sastyrdy.
Alǵashqy partııanyń altynshy geımine deıin eki tennısshi de dopty oıynǵa qosýda senimdi oınap, upaıdan shashaý shyǵarǵan joq. Tek segizinshi geımde Elena breık jasap, sodan keıin ózi setke dop bergende saýatty oınap, birinshi setti 6:3 esebimen óz paıdasyna jazdy. Ekinshi sette de Rybakınaǵa upaı úshin biraz ter tógýge týra keldi. V.Falkovska 2022 jylǵy Ýımbldon týrnıriniń jeńimpazyna qansha qarsylyq kórsetkenimen, Elena bul joly da polshalyq tennısshige esh múmkindik bergen joq – 6:4. Osylaısha, Qazaqstan quramasy jarystyń alǵashqy kúninde 2:0 esebimen alǵa shyqty.
Ekinshi jarys kúnine josparlanǵan úsh matchtyń alǵashqysynda kortqa shyqqan Elena Rybakına Magda Lınetti bir jarym saǵatqa jalǵasqan matchta 6:4, 6:2 esebimen jeńip, Qazaqstan quramasyn qatarynan ekinshi márte Bıllı Djın Kıng kýboginiń fınaldyq kezeńine shyǵardy. Al match taǵdyryna esh áser etpeıtin juptyq synda Anna Danılına men Iýlııa Pýtınseva Polsha qyzdaryna 2:1 esebimen ese jiberdi.
Qazir aqtyq kezeńde byltyrǵy jeńimpaz Shveısarııa men fınalıst Aýstralııa qarsylasyn kútip tur. Al jeńilgen quramalar bıyl qarashada pleı-off satysynda baq synaıdy. Byltyr Qazaqstan quramasy komandalyq álem chempıonaty atalyp ketken básekeniń fınaldyq kezeńinde alǵash ret óner kórsetip, S tobynda Ispanııa jáne Ulybrıtanııa quramalarymen sheberlik baıqasqan bolatyn.
