Dın Lıjen tarazy basyn teńestirdi

Bul nátıjemen olar álem chempıo­natynyń rekordyn ornatty. Iаǵnı buǵan deıin uıymdastyrylǵan jahan­dyq birinshiliktiń birde-birinde alty partııadan keıin tórt jeńis tirkelmegen eken. Máselen, 2016 jylǵy básekede shah­matshylar alty týrda tek eki márte jeńiske jetken bolsa, 2018 jyly barlyq partııa teń nátıjemen aıaq­talǵan. Al elordadaǵy týrnırde ázirshe eki grossmeıster bir-bir márte ǵana teń oınady.

Dın Lıjen keıingi partııalarda saýatty oıyn ór­genin kórsetip, shahmat sarapshyla­rynyń nazaryn ózine aýdarta bildi. Ekinshi partııada aq tastarmen oınasa da, reseılik Iаn Nepomnıashııge jol bergen qytaılyq shahmatshy keıingi básekelerinde qarsylasyna laıyqty qarsylyq kórsetip keledi. Dınniń alǵashqy jeńilisinen keıin kópshilik «endi qytaılyq shahmatshy Iаnnyń qarqynyna tótep bere almaıdy. Tipti báseke merziminen buryn aıaqtalyp qalýy ǵajap emes», degen pikirde edi. Alaıda FIDE-niń qazaq tilindegi kommentatory ári shahmatshy Oljas Meńǵalı ekinshi partııadan keıin Dın Lıjen alǵashqy partııalarda sátsiz oınaǵanymen, bir­te-birte óz oıynyn taýap, babyna enedi degen bolatyn. Mine, sa­rapshymyzdyń aıtqany dál kelip, qytaılyq shahmatshy ázirge Iаn Ne­pom­­nıashııge des berer emes.

Sonymen qatar keıingi partııalarda Dın Lıjenniń komandasy óte jaqsy jumys istep jatqanyn da aıta ketke­nimiz jón bolar. Osy jarys aldyn­da komandasyn túgeldeı ózgertken reseı­lik shahmatshy Dındi aıqyn basym­dyqpen jeńý úshin eshqandaı aıla-amal taba almaı, pushaıman bolyp jatyr.

Altynshy partııaǵa toqtalar bol­saq, oıyndy aq tastarmen bastaǵan Dın Lıjen kezekti jeńisine qol jetkizdi. Ol alǵashqy júrisinde londondyq pozısııany tańdap, qara tastarǵa qysym kórsetýge tyrysty. Matchtyń bel ortasyna deıin eki oıynshy júrisinen jańylmaı, teń nátıjeni ustap turdy. Biraq báribir aq tastardyń basym­dyǵy baıqala bastady. Muny sezgen Nepomnıashıı de kóp ýaqytyn shar­shy taqtanyń aldynda emes, óz ból­mesinde ótkizdi. Al bul jaıtty mamandar reseılik shahmatshy óziniń júrisine kóńili tolmaı jatqandyqtan dep túsindirdi.

Nátıjesinde, 40-júristen keıin aq tas oıyndy tolyq óz baqylaýyna alyp, kezekti jeńisine bir taban ja­qyndaı tústi. Al 44-júristen keıin Iаn Nepomnıashıı de jeńilgenin moıyndaýdan basqa amal qalmady. Sóıtip, tórt saǵatqa jalǵasqan altynshy partııa 44 júrispen óz máresine jetti.