Iаroslava Shvedova jetekshilik etetin ulttyq qurama qyzdary jýyrda ǵana Bıllı Djın Kıng kýboginiń irikteý kezeńi aıasynda Polsha tennısshilerin 3:1 esebimen tize búktirip, qatarynan ekinshi márte komandalyq álem chempıonatynyń fınaldyq kezeńine joldama alǵan bolatyn. Osynaý aıtýly jeńisinen keıin Qazaqstan ulttyq quramasy álemdik reıtıngte birden tórt orynǵa joǵarylap, 10-satydan 7-orynǵa kóterildi. Bir aıta keterligi, ulttyq qurama reıtıngte tennısi qarqyndy damyǵan alpaýyt memleket sanalatyn AQSh, Germanııa, Italııa, Rýmynııa, Belgııa, Ulybrıtanııa sekildi komandalardy artta qaldyrdy.
Al úzdikter kóshin áıelder arasyndaǵy byltyrǵy Bıllı Djın Kıng kýboginiń jeńimpazy – Shveısarııa quramasy bastap tur. Ekinshi orynǵa Aýstralııa qyzdary jaıǵassa, úshinshi oryn Ispanııa quramasyna tıesili. Keıingi oryndarǵa Fransııa, Chehııa jáne Kanada tennısshileri jaıǵasqan. Qazaqstan quramasynyń qatysýymen ótetin bıylǵy Bıllı Djın Kıng kýboginiń fınaldyq kezeńi 7-12 qarasha aralyǵyna josparlanǵan.
