«Ishki naryqta JJM tapshylyǵyn joıý úshin Shymkent MО́Z óndiristik qýatyn jylyna 6 mln-nan 12 mln tonnaǵa deıin arttyrý josparlanyp otyr. Zaýytty shıkizatpen qamtamasyz etý úshin Atyraý – Keńqııaq jáne Keńqııaq – Qumkól munaı qubyrlaryn keńeıtý jobalaryn júzege asyrý josparlanýda», dedi Premer-mınıstr.
Bul rette ol bıyl Jańaózen qalasynda qýattylyǵy 900 mln tekshe metr bolatyn jańa gaz óńdeý zaýytynyń qurylysy bastalatynyn málimdedi. Jalpy gaz salasynda jylyna qosymsha 4 mlrd tekshe metrge deıin gaz alýǵa múmkindik beretin zańnamalyq normalar qabyldandy.
Condaı-aq Úkimet basshysy munaı-hımııa salasynda qýattylyǵy jylyna 319 myń tonna býtadıen jáne basqa ilespe taýarlardy óndirýge múmkindik beretin joba iske asyrylyp jatqanyn eske saldy. Bul rette qazirgi tańda qýattylyǵy jylyna 1,2 mln tonna bolatyn polıetılen óndirý boıynsha jobalaý jumystary júrgizilýde. Investısııalardyń jalpy kólemi $8,7 mlrd-ty quraıdy.
