«STEAM olımpıadasy – tehnıkalyq bilim berýdegi barlyq sońǵy jetistikterdi qamtıtyn ınnovasııalyq bilim berý olımpıadasy. Olımpıada baǵdarlamalaý, ınjenerlik robototehnıka jáne 3D modeldeý sııaqty tehnıkalyq salalarda bilim berýdi qamtıdy. STEAM bilim berýdi nasıhattaý naqty ómirde ǵylymı-tehnıkalyq bilimdi qoldanýdy jáne balalardaǵy tehnıkalyq pánderge qyzyǵýshylyqty damytýdy bildiredi. 2017 jyldan bastap 5 olımpıada ótkizildi. Bıyl qalalyq jáne halyqaralyq 2 STEAM olımpıadasyn ótkizý josparlanǵan», dedi Danııal Áıtkenov Astana kommýnıkasııalar qyzmetinde ótken baspasóz máslıhatynda.
Olımpıadany Astana qalasynyń ákimdigi Sıfrlandyrý jáne memlekettik qyzmet basqarmasy, «Astana Innovations» AQ, STEAM Akademııasy jáne Astana IT University qoldaýymen ótkizedi.
«Is-sharaǵa elordalyq bilim berý mekemeleriniń oqýshylary, barlyq oblystar men qalalardyń mektep oqýshylary jáne shet elderden kelgen oqýshylar qatysady. Aıta ketý kerek, mundaı olımpıadalar elordalyq oqýshylardyń sıfrlyq saýattylyǵyn arttyratyny sózsiz. Qalalyq STEAM olımpıadasyna 200 oqýshy jáne halyqaralyq STEAM olımpıadasyna taǵy 200 oqýshy qatysady dep josparlanyp otyr», dep qosty spıker.
