Adam quqyqtary salasyndaǵy zańnyń jańashyldyqtary týraly ortalyq kommýnıkasııalar qyzmetinde ótken brıfıngte QR IIM Tergeý departamenti basqarmasynyń bastyǵy Ermek Shúlden aıtyp berdi.
Zańda turmystyq quqyq buzýshylyqtar úshin jaýapkershilik kúsheıtildi.
Onyń aıtýynsha, turmystyq jaǵdaıda «kinálige materıaldyq nemese ózge de táýeldilikte bolǵan adamǵa qatysty jasalǵan» aýyr jaraqat jáne ortasha aýyrlyqtaǵy dene jaraqatyn keltirgeni úshin aýyrlatatyn qylmystyq jaýapkershilik týyndaıtyn bolady. Qylmystyq kodekstiń 106-shy jáne 107-shi baptarynda kórsetilgen «kinálige materıaldyq nemese ózge de táýeldilikte bolǵan adamǵa qatysty is-áreket jasaý» degen aýyrlatatyn mán-jaılar engizildi.
Sondaı-aq zańnyń taǵy da bir jańalyǵy - beınejazbany qoldanǵan jaǵdaıda tergeýshiniń qysqasha hattama jasaý quqyǵynyń engizilýi.
«Bul prosesýaldyq merzimniń qysqarýyn jáne azaptaýdy boldyrmaýdy qamtamasyz etedi. Norma azamattardyń konstıtýsııalyq quqyqtaryn qorǵaý deńgeıin arttyrýǵa, tergeý áreketterin júrgizý ýaqytyn qysqartýǵa jáne bıýrokratııadan arylýǵa baǵyttalǵan», dedi E.Shúlden.
