Oqyrmandar nazaryna elimizdiń tarıhy boıynsha otandyq ǵalymdardyń biregeı ǵylymı izdenisteri, sondaı-aq sheteldik avtorlardyń birqatar nazar aýdararlyq jarııalanymy usynyldy. Máselen, bul nómirde tarıh ǵylymdarynyń doktory, professor Jambyl Artyqbaev Sultan Baıbarys týraly áńgimeleıdi. Tarıhshy ǵalymdar Jaras Ermekbaı, Asqar Maqypov, Harıs Vafın stalınızm jyldarynda halyqtar men ulttyq-etnıkalyq toptardy elimizge jer aýdarýdyń erekshelikterin ashyp kórsetedi. Qyrǵyzstannan kelgen avtor Gúlnaz Shynykeeva jahandaný dáýirinde óz elindegi etnodemografııalyq úderisterdiń erekshelikterin usyndy.
Ulttyq qoljazbalar jáne sırek kitaptar ortalyǵynyń bas sarapshysy Almat Málikov ortaǵasyrlyq arab tildi ádebıettegi Aq Orda men Kók Orda bıleýshileriniń sıpattamalaryna salystyrmaly taldaý júrgizedi. Orynbor memlekettik pedagogıkalyq ýnıversıtetiniń aspıranty Stanıslav Valevko «1914-1917 jyldardaǵy Orynbor gýbernııasyndaǵy revolıýsııalyq oqıǵalar» taqyrybyn kóteredi. Tarıhshy Búrkitbaı Aıaǵan Nıderlandta Qazaqstanǵa qatysty tabylǵan arhıv materıaldaryn sıpattaıdy.
Ulttyq arhıvtiń dırektory Saǵıla Nurlanova men qaýymdastyrylǵan professor Ardaq Qapyshev Astana qalasynyń memlekettik arhıviniń derekterine súıenip, Aqmola óńiriniń etnıkalyq erekshelikterin kórsetedi. Tarıh ǵylymy salasyndaǵy jańa ǵylymı jańalyqtardy osy sanǵa engizgen taǵy da basqa avtorlar bar.
Endi «Arhiv habarşysy» jýrnalynyń kezekti shyǵarylymy otandyq jáne sheteldik ǵalymdardy, arhıvshilerdi, stýdentterdi, elimizdiń tarıhyna qyzyǵýshylyq tanytyp, zerttep júrgen qarapaıym azamattardy beıjaı qaldyrmaıdy dep úmittenemiz. Jýrnaldy osy siltemege ótip qaraı alasyzdar – https://disk.yandex.ru/d/ZFbCL505s-WbjA.
