Foto: Reuters
Qaıǵyly oqıǵa juma kúni keshke Hıýstonnan soltústik-shyǵysqa qaraı 70 shaqyrym jerde ornalasqan Klıvlend shaǵyn qalasynda boldy.
Jergilikti sherıftiń aıtýynsha, qazir polısııa jartylaı avtomatty myltyqpen qarýlanǵan kúdiktini izdestirip jatyr.
Belgili bolǵandaı, ol masań kúıde bolǵan. Turǵyndar odan atysty toqtatýdy talap etkende ol olarǵa oq jaýdyra bastaǵan. Úıde barlyǵy 10 adam bolǵan. Zardap shekkenderdiń barlyǵy gondýrastyqtar ekeni anyqtaldy. Atys kezinde bes adam qaza tapty, onyń ishinde segiz jastaǵy bala bar.
Sondaı-aq eki áıel ózge balalardy denesimen jaýyp, qutqaryp qalǵan.
