Áıelder quramasynda Álfııa Tilekqabyl (J1 -57 kg), Daıana Fedosova (J2-70 kg), Záýre Aıtek (J1 +70 kg), Aqmaral Naýatbek (J2 -70 kg) jáne Dınara Qujulova (J2+70 kg) tatamıge shyqty.
Qazaqstan áıelder quramasy fınalda О́zbekstan komandasyn 2:3 esebimen jeńdi. Álfııa Tilekqabyl, Aqmaral Naýatbek jáne Dınara Qujulova quramaǵa jeńis ákeldi.
О́zbekstan quramasy ekinshi orynǵa ıe bolsa, Úndistan sportshylary úzdik úshtikti qorytyndylady.
Komandalyq synda Qazaqstan erler quramasynda Erǵalı Shameı (J1-73 kg), Janbota Amanjol (J2-90 kg), Erlan О́tepov (J1+90 kg), Oljas Orazalyuly (J2-73 kg), Abylaı Ádilbekov (J1-90 kg), jáne Erlan Konkıev (J2 +90 kg) el namysyn qorǵady.
Qazaqstan úshin komandalyq jarystaǵy sheshýshi beldesý О́zbekstan quramasyna qarsy ótti. Paradzıýdo boıynsha álemde myqty el bolyp sanalatyn О́zbekstandy qazaqstandyq sportshylar 4:0 esebimen aıqyn basymdyqpen utty. Osy kezdesýde eń tartysty beldesý Oljas Orazaly men Tokıo Paralımpıadasynyń chempıony Ferýz Saıdov arasynda ótti.
Beldesý basynda Ferýz Saıdov birinshi vazarı upaıyn enshilegen. Dese de, negizgi ýaqytta otandasymyz Oljas tıimdi ádis qoldanyp, esepti teńestirip úlgerdi. Qos balýannyń kúresi qosymsha ýaqytqa (golden skor) deıin jalǵasty. Qosymsha ýaqytta Oljas Orazalyulynyń Ferýz Saıdovqa qoldanǵan ádisi nátıjeli shyǵyp, Qazaqstan quramasy jeńiske jetti.
Ferýz Saıdov Tokıoda ótken Paralımpıada oıyndarynyń fınalynda otandasymyz Dáýlet Temirjandy utqan bolatyn. Búgin Azııa chempıonatynda Oljas komandalasy Dáýlettiń esesin qaıtaryp úlgerdi.
Osy kezdesýde Erǵalı Shameı, Janbota Amanjol, Erlan О́tepov te óz kezeginde qarsylastarynan basym tústi. Jarys aınalmaly júıede ótkendikten el quramasy О́zbekstannan keıin Mońǵolııa komandasymen kezdesip, Azııa chempıonatynyń komandalyq jarysynda jeńimpaz atandy.
Azııa chempıonatynyń komandalyq jarysyna erler arasynda bes qurama qatysty. Aınalmaly júıe boıynsha barlyq komanda bir-birimen ózara kúresip shyǵady. Jeńimpaz komandalardyń jeńis sanyna qaraı anyqtalady. О́z kezeginde, Qazaqstan Taıland, Taıpeı jáne Indonezııa sportshylarynan quralǵan IBSA, Úndistan, О́zbekstan jáne Mońǵolııa quramalaryn utty.
О́zbekstan quramasy ekinshi orynǵa ıe bolsa, Mońǵolııa men Úndistan sportshylary úzdik úshtikti qorytyndylady.
Eske salaıyq, Qazaqstan quramasy Azııa chempıonatynyń jekeleı jarysynda tórt altyn, tórt kúmis jáne alty qola júlde jeńip alǵan bolatyn.
Azııa chempıonaty Astanada Jaqsylyq Úshkempirov atyndaǵy jekpe-jek saraıynda ótti. Qurlyqtyq birinshilikke barlyǵy 11 el qatysty.
