MADFA Madrid Film Awards – 2023 jyl saıyn tanymal rejısserlar eń úzdik týyndylardyń basyn qosatyn halyqaralyq baıqaý. Madrıd kınojúldesi bıyl 20-márte ótkizilip otyr. Bul baıqaýǵa 1500 anımasııalyq jumys úmitker retinde usynylǵan. Solardyń ishinen «Besik jyry» qysqametrajdy anımasııalyq fılmi top jaryp, «Eń úzdik qysqametrajdy anımasııalyq fılm» júldesin jeńip aldy.
Aıta ketsek, anımasııalyq fılm Mádenıet jáne sport mınıstrliginiń qoldaýymen túsirilgen.
«Qazaqstandyq anımasııalyq fılmniń bedeldi halyqaralyq baıqaýdyń bas júldesin ıelengeni – otandyq anımasııa salasynyń oń baǵytta damyp kele jatqanynyń kórsetkishi dep sanaýǵa bolady. Mádenıet jáne sport mınıstrligi 2030 jylǵa deıin jalpy prokattaǵy qazaqstandyq fılmderdiń, onyń ishinde anımasııalyq fılmderdiń úlesin 35%-ǵa deıin arttyrýdy josparlap otyr. Ol úshin jyl saıyn keminde 10 anımasııalyq joba jasalatyn bolady. О́tken jyly elimizde alǵash ret «Qazaqanımasııa» shyǵarmashylyq birlestigi quryldy. Atalǵan uıym otandyq anımasııa mamandarynyń sheberligin shyńdap, anımasııalyq jobalardy shyǵarýǵa qoldaý kórsetedi», dedi Mádenıet jáne sport mınıstri Ashat Oralov.
