JAŃA BО́LIMShE IGI ISTER BASTAÝY

Halyqqa poshtalyq baılanys qyzmetin kórsetý jyldan-jylǵa keńeıip keledi. Sonyń jarqyn dáleli keshe Astananyń ákimshilik-iskerlik ortalyǵy sanalatyn Esildiń sol jaǵalaýyndaǵy Mınıstrlikter úıiniń qarsy betindegi “Jańa álem” turǵyn úı kesheniniń qaptalynan №17 poshtalyq baılanys bóliminiń ashylýy boldy. Atalǵan poshtalyq baılanys bólimshesiniń saltanatty ashylý rásimine Esil aýdanynyń ákimi Qaırat Jańabergenov bastaǵan turǵyndar jáne “Qazposhta” AQ-tyń basshylary men qyzmetkerleri qatysty. Qaırat Jańabergenov pen “Qazposhta” AQ-tyń basqarma tóraǵasy Dáýren Moldaǵalıev lenta qııý rásimin oryndap, artynan sóz sóıledi. Aýdan ákimi barlyǵy halyqqa qyzmet kórsetý sapasyna baılanysty deı kelip, taǵy birneshe bólimshe iske qosylýy tıis ekendigin jetkizdi. Muny qýattaǵan basqarma tóraǵasy sońǵy 4 jylda 380 jańa aýyldyq bólimshelerdiń ashylǵandyǵyn alǵa tartty. Qazir bul úrdis qalalarda jalǵasyn tabýda. Poshta barlyq qarjylyq qyzmetterdi kórsetýdi tolyq ıgergen. Osy rette №17 poshtalyq baılanys bólimshesiniń memlekettik mekemelerge jaqyn ornalasýy osynda jumys isteıtin qyzmetkerlerge de tıimdi. Dáýren Tumanbaıulynyń sózinen belgili bolǵanyndaı, Astana kúnine oraı “Han shatyr” kesheninde taǵy bir bólimshe ashylady. Al jyl sońyna deıin sol jaǵalaýda 2 nemese 3 poshtalyq baılanys bólimshesi iske qosylady dep kútilýde. Qazirgi tańda 2009-2011 jyldarǵa arnalǵan qalalyq eldi mekenderdiń poshtalyq ınfraqurylymyn damytý jáne aýyldyq poshtalyq baılanys bólimshelerin jańartý baǵdarlamalary júzege asyrylýda. 2011 jyldyń sońyna deıin 17 aýyldyq jáne 44 qalalyq óndiristik nysandaryn iske qosý, sondaı-aq “Ońtústik” aqparattyq-logıstıkalyq ortalyǵynyń jumysyn jetildirý qolǵa alynǵan. “Qazposhta” AQ poshtalyq-qarjylyq qyzmet túrlerin kórsetý aýmaǵyn keńeıtip otyr. Valıýta aıyrbastaý operasııalary, depozıtter, tólemderdi qabyldaý, esep-kassalyq qyzmet, ınkassasııa, aqsha men qundy zattar tasymaly, qundy qaǵazdar rynogyndaǵy brokerlik qyzmet, elektrondyq aqsha aýdarymdary, transfer-agenttik jáne ózge de qyzmet túrlerin kórsetýge qol jetkizilýde. Sol jaǵalaýda ashylǵan shaǵyn-poshtamt ǵımaratynda birinshi astanalyq fılatelııalyq salon da jumys isteı bastady. Ol fılatelııa óndirisi men marka aınalymynyń jandanýyna, jas fılatelıster klýby qurylyp, olardy oqytýǵa oń yqpal etedi. Qoryta kelgende, jańa poshtalyq baılanys bólimshesiniń ashylýy memlekettiń halyqqa qyzmet kórsetýin jaqsartý týraly áleýmettik baǵdarlamaǵa sáıkes poshtalyq-jınaqtyq qyzmetter kórsetýdi tutynýshylarǵa jaqyndata túsý men olardyń sapasyn arttyrýmen tikeleı baılanysty bolmaq. Asqar TURAPBAIULY.