Mańǵystaý medısınalyq nysandarynyń qatary tolyǵa tústi. Tusaýyn Astana kúnine oraılastyra kesken qos nysandy turǵyndar kópten kútken bolatyn.
Biri – qurylysy aıaqtalǵan Aqtaý qalasyndaǵy Mańǵystaý oblystyq aýrýhanasynyń jańadan salynǵan «G» blogy. Elbasy N.Nazarbaevtyń Qazaqstan halqyna Joldaýyn, Qazaqstan Respýblıkasynyń densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasyn jáne «Mańǵystaý oblysyn damytýdyń 2011-2015 jyldarǵa arnalǵan baǵdarlamasynyń» «Densaýlyq saqtaý» tarmaǵyn oryndaý maqsatynda qolǵa alynǵan jobanyń qurylysy 2012 jyly bastalǵan, al jalpy quny 4 703 877 090 teńgeni quraǵan. Respýblıkalyq bıýdjet esebinen bólingen nysan ústimizdegi jyldyń kókteminde paıdalanýǵa berildi. Búgingi tańda onda 869 adam – 138 dáriger, 370 meıirbıke, 238 ózge qyzmetker jáne 123 basqa personal eńbek etýde.
Memleket basshysy Joldaýynda salamatty ómir saltynyń ornyǵýy, medısınanyń damýy qazaqstandyqtardyń ómir súrý uzaqtyǵyn 80 jasqa deıin uzartatyndyǵyn jáne Qazaqstan medısınalyq týrızmniń eýrazııalyq jetekshi ortalyqtarynyń birine aınalýy tıis ekendigin aıtqan bolatyn. Aımaq basshysy A.Aıdarbaevtyń aıtýynsha, bul mindet-mejege jetý jolynda jyl saıyn respýblıkalyq bıýdjetten bólingen qarjy kólemi artyp keledi. Mysaly, 2013 jyly respýblıkalyq bıýdjetten 5 mlrd.-qa jýyq qarjy bólinip, 9 dárigerlik ambýlatorııa, 2 emhana halyq ıgiligine berilgen. Al, 2014 jyly respýblıkalyq bıýdjetten bólingen 9 mlrd.-tan astam qarajat esebinen Jańaózen qalasynda perzenthana, Chehııa Respýblıkasynyń jobasymen eýropalyq standartqa saı, jańa tehnologııalarmen jabdyqtalǵan zamanaýı úlgidegi Mańǵystaý oblystyq aýrýhanasynyń arnaıy hırýrgııalyq blogy salyndy.
Jańa ǵımaratta zamanaýı úlgidegi medısınalyq tehnologııanyń sońǵy úlgileri qoldanylmaq. Hırýrgııalyq keshen ornalasqan birinshi qabatta eki ota zaly, ashana jáne qabyldaý bólimi bolsa, ekinshi qabatta eýropalyq standarttarǵa saı keletin ozyq úlgidegi zamanaýı qurylǵylarmen jabdyqtalǵan 8 ota zaly bar. Úshinshi qabatta árqaısysy 9 kereýetti jansaqtaý bólimi, jalpy jáne kardıota bólimsheleri ornalasypty. Qajet jaǵdaıda bul bólimshelerdegi oryn sanyn kóbeıtý múmkindigi de qarastyrylǵan. Ota jasaý jáne jansaqtaý bólimshelerinde energııany únemdeý tehnologııalary qoldanylǵan, olar jaryqty shoǵyrlandyrý jáne ony teń dárejede bólip taratý múmkindigine ıe qurylǵylarmen jaraqtalǵan. Nysan 8 túrli hırýrgııalyq otany bir mezgilde jasaýǵa múmkindik beredi eken. Mamandar munda elimizdiń batys aımaǵy boıynsha balalarǵa kardıohırýrgııalyq qyzmet kórsetetin aımaqtyq ortalyq bolady degendi aıtty.
– Bizdiń aldymyzda ınnovasııalyq tehnologııalardy engizý mindeti tur, bul úshin aımaqtardyń áleýetin arttyrýymyz qajet. Otashylar aldynda neırohırýrgııa salasynda ınnovasııalyq tehnologııalardy engizý baǵytynda dárister oqydyq. Ekonomıkalyq damý jolyndaǵy Mańǵystaýda mıkrohırýrgııalyq qyzmetti kúsheıtý kerek, mundaı túrdegi alǵashqy otany jergilikti otashylarmen birge sátti ótkizdik, – degen «A.Syzganov atyndaǵy Ulttyq ǵylymı hırýrgııa ortalyǵy» AQ bas dırektory, medısına ǵylymdarynyń doktory, professor J.Arzyqulov jańa bloktyń óz emdelýshilerine tolyq jaǵdaı jasaı alatyn, ásirese, transplantasııa máselesinde sapaly qyzmet kórsete alatyn oryn bolýy qajettigin aıtty.
Osy kúni Jańaózende turǵyndar kópten kútken jańa perzenthana ashyldy. Qurylys jumystaryna respýblıkalyq qazynadan 2 mlrd.-tan astam qarjy bólingen jańa nysan zamanaýı tehnıkamen jabdyqtalǵan. 130 myńnan astam turǵyny bar munaıly qalaǵa, sondaı-aq, onyń mańaıyndaǵy Qyzylsaı, Teńge aýyldary men Rahat shaǵyn aýdanyna 100 oryndyq perzenthana qyzmet etpek. Ult demografııasyna qarqyndy úles qosýymen erekshelenetin Jańaózende ótken jyly dúnıege 4045 sábı kelse, osy jyldyń 6 aıy ishinde 1984 náreste jaryq dúnıe esigin ashqan. Al, orta eseppen munda táýligine jańaózendikter qataryna 13 jańa turǵyn qosylady eken.
О́z jumysyn tamyz aıynan bastaıdy dep kútiletin perzenthanada keleshekte jańa qurylǵynyń kómegimen túrli gınekologııalyq otalar jasalmaq. Táýlik saıyn kelip jatqan «jańa adamdardy» qabyldap, qyzmet kórsetý úshin munda qazir 17 dáriger bar, jyl sońyna deıin olardyń da qatary joǵary bilikti birneshe mamanmen tolyǵady deıdi sala basshylary.
Júırik attyń baǵy shabandozyna baılanysty bolatyny sekildi, jańa ǵımarattar men zamanaýı jabdyqtardy bilikti qoldana bilý – dárigerlerdiń kásibı bilimine qatysty. Sondyqtan, nysandar men jabdyqtardyń ǵana emes, dárigerlerdiń de maqtaýly bolǵanyn qalaıdy turǵyndar.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
Sýretterdi túsirgen
Serik MAIEMEROV.
Memleket basshysy Joldaýynda salamatty ómir saltynyń ornyǵýy, medısınanyń damýy qazaqstandyqtardyń ómir súrý uzaqtyǵyn 80 jasqa deıin uzartatyndyǵyn jáne Qazaqstan medısınalyq týrızmniń eýrazııalyq jetekshi ortalyqtarynyń birine aınalýy tıis ekendigin aıtqan bolatyn. Aımaq basshysy A.Aıdarbaevtyń aıtýynsha, bul mindet-mejege jetý jolynda jyl saıyn respýblıkalyq bıýdjetten bólingen qarjy kólemi artyp keledi. Mysaly, 2013 jyly respýblıkalyq bıýdjetten 5 mlrd.-qa jýyq qarjy bólinip, 9 dárigerlik ambýlatorııa, 2 emhana halyq ıgiligine berilgen. Al, 2014 jyly respýblıkalyq bıýdjetten bólingen 9 mlrd.-tan astam qarajat esebinen Jańaózen qalasynda perzenthana, Chehııa Respýblıkasynyń jobasymen eýropalyq standartqa saı, jańa tehnologııalarmen jabdyqtalǵan zamanaýı úlgidegi Mańǵystaý oblystyq aýrýhanasynyń arnaıy hırýrgııalyq blogy salyndy.
Jańa ǵımaratta zamanaýı úlgidegi medısınalyq tehnologııanyń sońǵy úlgileri qoldanylmaq. Hırýrgııalyq keshen ornalasqan birinshi qabatta eki ota zaly, ashana jáne qabyldaý bólimi bolsa, ekinshi qabatta eýropalyq standarttarǵa saı keletin ozyq úlgidegi zamanaýı qurylǵylarmen jabdyqtalǵan 8 ota zaly bar. Úshinshi qabatta árqaısysy 9 kereýetti jansaqtaý bólimi, jalpy jáne kardıota bólimsheleri ornalasypty. Qajet jaǵdaıda bul bólimshelerdegi oryn sanyn kóbeıtý múmkindigi de qarastyrylǵan. Ota jasaý jáne jansaqtaý bólimshelerinde energııany únemdeý tehnologııalary qoldanylǵan, olar jaryqty shoǵyrlandyrý jáne ony teń dárejede bólip taratý múmkindigine ıe qurylǵylarmen jaraqtalǵan. Nysan 8 túrli hırýrgııalyq otany bir mezgilde jasaýǵa múmkindik beredi eken. Mamandar munda elimizdiń batys aımaǵy boıynsha balalarǵa kardıohırýrgııalyq qyzmet kórsetetin aımaqtyq ortalyq bolady degendi aıtty.
– Bizdiń aldymyzda ınnovasııalyq tehnologııalardy engizý mindeti tur, bul úshin aımaqtardyń áleýetin arttyrýymyz qajet. Otashylar aldynda neırohırýrgııa salasynda ınnovasııalyq tehnologııalardy engizý baǵytynda dárister oqydyq. Ekonomıkalyq damý jolyndaǵy Mańǵystaýda mıkrohırýrgııalyq qyzmetti kúsheıtý kerek, mundaı túrdegi alǵashqy otany jergilikti otashylarmen birge sátti ótkizdik, – degen «A.Syzganov atyndaǵy Ulttyq ǵylymı hırýrgııa ortalyǵy» AQ bas dırektory, medısına ǵylymdarynyń doktory, professor J.Arzyqulov jańa bloktyń óz emdelýshilerine tolyq jaǵdaı jasaı alatyn, ásirese, transplantasııa máselesinde sapaly qyzmet kórsete alatyn oryn bolýy qajettigin aıtty.
Osy kúni Jańaózende turǵyndar kópten kútken jańa perzenthana ashyldy. Qurylys jumystaryna respýblıkalyq qazynadan 2 mlrd.-tan astam qarjy bólingen jańa nysan zamanaýı tehnıkamen jabdyqtalǵan. 130 myńnan astam turǵyny bar munaıly qalaǵa, sondaı-aq, onyń mańaıyndaǵy Qyzylsaı, Teńge aýyldary men Rahat shaǵyn aýdanyna 100 oryndyq perzenthana qyzmet etpek. Ult demografııasyna qarqyndy úles qosýymen erekshelenetin Jańaózende ótken jyly dúnıege 4045 sábı kelse, osy jyldyń 6 aıy ishinde 1984 náreste jaryq dúnıe esigin ashqan. Al, orta eseppen munda táýligine jańaózendikter qataryna 13 jańa turǵyn qosylady eken.
О́z jumysyn tamyz aıynan bastaıdy dep kútiletin perzenthanada keleshekte jańa qurylǵynyń kómegimen túrli gınekologııalyq otalar jasalmaq. Táýlik saıyn kelip jatqan «jańa adamdardy» qabyldap, qyzmet kórsetý úshin munda qazir 17 dáriger bar, jyl sońyna deıin olardyń da qatary joǵary bilikti birneshe mamanmen tolyǵady deıdi sala basshylary.
Júırik attyń baǵy shabandozyna baılanysty bolatyny sekildi, jańa ǵımarattar men zamanaýı jabdyqtardy bilikti qoldana bilý – dárigerlerdiń kásibı bilimine qatysty. Sondyqtan, nysandar men jabdyqtardyń ǵana emes, dárigerlerdiń de maqtaýly bolǵanyn qalaıdy turǵyndar.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
Sýretterdi túsirgen
Serik MAIEMEROV.
